तरूण दलले प्रदेशहरूमा गर्न लागेको भेला स्थगित: अध्यक्ष बस्नेत

८ वैशाख, काठमाडौं । कोरोना भाइरसको जोखिम बढेपछि तरूण दलले प्रदेशमा हुने भेला रोकेको छ । कोरोना भाइरस महामारी बढेपछि नेपाल तरूण दलले प्रदेशहरूमा गर्न लागेको भेला स्थगित गरिएको अध्यक्ष जितजंग बस्नेतले जानकारी दिए।

तरूण दलले भेलाहरू रोक्न सबै जिल्ला सभापतिलाई परिपत्र गरेको छ । गण्डकी प्रदेशमा वैशाख १२ र १३ मा भेला थियो। यस्तै प्रदेश नम्बर २ स्थित बारामा जेठ १ र २ गते भेला राखिएकोमा स्थगित गरिएको अध्यक्ष बस्नेतले जनाएका छन्। कोरोना महामारी कम भएपछि भेला गर्ने जानकारी केन्द्रबाट दिइने तरूण दलले जनाएको छ।