वैदेशिक रोजगारीमा हिडेका १२२ यात्रु विमानस्थलबाटै फर्के

८ वैशाख, काठमाडौं। कोरोनाको दोश्रो लहरका कारण  विभिन्‍न देशमा जानका हिडेका १२२ जना यात्रुलाई विमानस्थलबाट फर्काइएको छ। सिनामंगलको सूर्य ल्याबबाट पीसीआर रिपोर्ट लिएर विमानस्थल पुगेका यात्रुहरुलाई एयरलाइन्सले विमानस्थलबाट फर्काएको हो ।

हिजो सूर्या ल्याबमा छापामा मारेर नक्कली पीसीआर रिपोट बनाएको खुलेपछि एयरलाइन्सले त्यो ल्याबमा परीक्षण गराएका यात्रुहरुलाई ओरालेको बताइएको छ । मंगलबार महानगरीय अपराध महाशाखाले अप्रेशन चलाएर प्रयोगशालाका ६ कर्मचारीलाई पक्राउ गरेको थियो।

वैदेशिक रोजगारीमा जाने व्यक्तिका लागि आवश्यक पर्ने पीसीआर रिपोर्ट अत्यधिक रकम लिई नमूना संकलन नै नगरी नक्कली बनाउने गरेको खुलेकाे छ ।