दिनदिनै संक्रमण दर बढ्दै, एकैदिन थपिए २३५१ जना संक्रमित

८ वैशाख,काठमाडौं । नेपालमा दिनहु कोरोना भाइरस संक्रमण बढ्दो दरमा रहेको छ । बुधबार थप २३५१ जनामा कोरोना संक्रमण पुष्टि भएको छ।स्वास्थ्य तथा जनसङ्ख्या मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा देशभर ८८४४ नमूनाको पीसीआर परीक्षण र ८०३ जनाको एन्टिजेन परीक्षण भएको थियो।

त्यसमध्ये पीसीआरबाट २२२० जना र एन्टिजेनबाट १३१ जनामा कोरोना संक्रमण पुष्टि भएको हो। २४ घण्टामा २८७ जना उपचारपछि डिस्चार्ज भएर घर फर्केका छन् । योसँगै निको हुनेको सङ्ख्या २,७६,०९३ पुगेका छन् ।

उपत्यकामा सक्रमणको दर दिनदिनै बढिरहेको छ । २४ घण्टामा काठमाडौंमा ७८६,ललितपुरमा १८१ र भक्तपुरमा ८४ जना संक्रमित थपिएका छन् । योसंगै नेपालमा कूल संक्रमितको सङ्ख्या २,८९,९१८ पुगेको छ।