अब काठमाडौंमा मास्क नलगाई हिँडे कारवाहीमा पर्ने

८ वैशाख, काठमाडौं । अब काठमाडौं उपत्यकामा मास्क नलगाई हिँड्ने कारवाहीमा परिने भएको छ । मास्क नलगाई हिँड्नेलाई अब प्रहरीले सार्वजनिक स्थानमा उभ्याउने जिल्ला प्रशासन कार्यालयले जनाएको छ ।

काठमाडौका प्रमुख जिल्ला अधिकारी कालीप्रसाद पराजुलीले संक्रमणको दर बढिरहेको छ । त्यसैले स्थिति भयावह हुन नदिन कडा गर्ने तयारी गरेका हौं । पराजुलीका अनुसार सार्वजनिक यातायतमा मास्क लगाएरनलगाएको अनुगमन गर्न ट्राफिक प्रहरीलाई जिम्‍मेवारी दिने तयारी गरिएको छ । यसअघि गत वर्ष सरकारले लकडाउन उल्लंघन गर्नेलाई सडकमा होल्ड गर्ने गरेको थियो ।