सिंगटी हाइड्रोको आईपीओ अर्को साता नेप्सेमा सूचीकृत हुने, कति पाउला ओपनिङ्ग रेञ्ज ?

९ बैशाख, काठमाडौं । सिंगटी हाइड्रो इनर्जी कम्पनी आईपीओ अर्को साता नेपाल स्टक एक्सचेञ्ज (नेप्से) मा सूचिकृत हुने भएको छ ।

कम्पनीले अर्को साताभित्र शेयर सूचिकरण गर्ने तयारी गरिरहेको बिक्री प्रबन्धक मेगा क्यापिटलले जनाएको छ ।

नेप्सेले कम्पनीको पहिलो कारोबारका लागि प्रति शेयर न्युनतम १०० रूपैयाँदेखि अधिकतम ३०० रुपैयाँसम्म ओपनिङ रेञ्ज निर्धारण गर्ने सम्भावना रहेको छ । नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

सेबोनमा प्रकाशन भएको विवरण पत्र अनुसार सिंगटी हाइड्रो इनर्जी कम्पनी लिमिटेडको आर्थिक वर्ष २०७६/७७ को प्रतिसेयर नेटवर्थ १०० रूपैयाँ रहेको छ । सोही नेटवर्थको ३ गुणा ३०० रुपैयाँ हुन्छ ।