बल्खुमा शिलान्यास र थापाथलीमा पार्टी कार्यालय संचालन

९ वैशाख, काठमाडौं । नेकपा एमाले अध्यक्ष एवम् प्रधानमन्त्री केपी ओलीले अहिले केहीबेरमा मदन नगर बल्खुस्थित पार्टीको नयाँ भवनको शिलान्यास गर्ने भएका छन् ।  नेकपा एमालेको  पहिले पार्टी कार्यालय रहेकै ठाउँमा नयाँ भवन निर्माणको शिलान्यास गर्न लागिएको हो । त्यसैगरी  आजैदेखि नै थापाथलीमा भाडामा लिएको एमालेको नयाँ पार्टी कार्यलय संचालनमा ल्याइने भएको छ ।

‍कम्युनिष्ट पार्टीको स्थापना दिवसका अवसरमा ओलीले आज पार्टी केन्द्रीय कार्यालय भवन शिलान्यास गर्ने र नयाँ पार्टी कार्यालय थापाथली जाने कार्यक्रम रहेको प्रधानमन्त्रीको सचिवालयले जनाएको छ।

२०७२ सालमा गएको भूकम्पले बल्खुस्थित एमाले कार्यालय भवनमा क्षति पुगेको थियो। बल्खुमा नेकपा एमालेको नाममा करिब तीन रोपनी क्षेत्रफलमा फैलिएको जग्गा छ।