६ कम्पनीको शेयरमूल्य सर्किट लेभलमा कारोबार

९ बैशाख, काठमाडौं । बिहीबार नेप्सेमा ६ कम्पनीको शेयरमूल्य सर्किट लेभलमा कारोबार भएको छ । आज नेप्सेमा बिशाल बजार कम्पनी, सिन्धु विकास बैंक, महिला लघुवित्त, ग्रीन लाइफ र एनसीसी बैंकको शेयरमूल्यमा सकारात्मक सर्किट लागेर कारोबार भएको हो ।

२ बजेको समयमा नेप्सेमा सामान्य अंकले करेक्सन आउदा यी ६ कम्पनीको शेयरमूल्य भने उच्च दरले बढेको छन् ।

यो दिन बिशाल बजार कम्पनी र सिन्धु विकास बैंकको शेयर १० प्रतिशतले बढेको हो । त्यसैगरी महिला लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा ९ दशमलव ९७ प्रतिशत, ग्रीन डेभलपमेण्ट बैंकको ९ दशमलव ९५ प्रतिशत, ज्योति लाइफ इन्स्योरेन्सको शेयरमूल्य ९ दशमलव ९३ प्रतिशत र नेपाल क्रेडिट एण्ड कमर्स (एनसीसी) बैंकको शेयरमूल्य ९ दशमलव ८४ प्रतिशतले वृद्धि भएको छ ।

यी ६ ओटै कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो । बिशाल बजार कम्पनीको हकमा कम्पनीको शेयर कारोबार तीन महीनादेखि रोक्का रहेको थियो । तीन महीना पछि शेयर कारोबार खुला हुँदा लगानीकर्ताको आर्कषण बढेको हो ।

बिशाल बजार कम्पनीको शेयरमूल्य प्रतिकित्ता ३ हजार १६८ पुगेको छ । त्यसैगरी सिन्धु विकास बैंकको शेयरमूल्य प्रतिकित्ता २८६, महिला लघुवित्तको शेयर मूल्य  १ हजार ९४२, ग्रीन डेभलपमेण्ट बैंकको  २३२, ज्योति लाइफ इन्स्योरेन्सको  ९०८ र एनसीसी बैंकको ३४६ पुगेको हो ।