आज निर्णायक वार्ताः नेपाल

९ वैशाख, काठमाडौं । प्रधानमन्त्री केपी ओलीले कारबाही प्रक्रियामा रहेका नेता माधवकुमार नेपाललाई आजपनि भेटवार्ताका लागि बोलाएका छन् । हिजोदेखि थालिएको वार्ताक्रमलाई ओलीले आजपनि निरन्तरता दिन आग्रह गरेका छन् । वार्ता हिजकै स्थानमा अहिले दिउँसो २ बजेका लागि तय गरिएको छ ।

पार्टीका निकट नेताहरुसँग राजधानीको वुद्धनगरस्थित सहाना प्रधान स्मृति प्रतिष्ठानमा छलफल गरिरहेका नेता नेपाललाई ओली स्वयंले फोन गरी आज पनि वार्ता गर्न आग्रह गरेका थिए । हिजोको वार्तामा ओलीजीले आफ्ना कुण्ठा मात्रै फाल्नु भएको भन्दै आज भने निर्णायक कुरा गर्ने नेता नेपालले निकटवर्तीहरुलाई सुनाए ।

आज हाम्रो बटम लाइनमा कुरा मिल्यो भने ठीक छ नत्र ओलीजीलाई जे गर्न इच्छा छ गर्न दिउँ – नेपालले भनेको एक नेताले बताए । जबसम्म पार्टी अध्यक्ष ओली जेठ,२ , २०७५ मा पुग्न तयार हनुहुन्न तबसम्म हाम्रो सहमति हुने कुरै छैन भन्दै नेता नेपालले फागुन २८ को निर्णय खारेजी पहिलो सर्त रहने बताए ।