एमाले विभाजन र विसर्जनको डिलमा

९ वैशाख, काठमाडौं । नेपाल कम्युनिष्ट पार्टी एमालेको असन्तुष्ट पक्षले अब फुटको डिलमा पुगेको पार्टीलाई जोगाउने जिम्मेवारी स्वयं अध्यक्ष केपी ओलीको थाप्लोमा रहेको निश्कर्ष निकालेको छ । वरिष्ठ नेता माधवकुमार नेपाललगायत १५ जना असन्तुष्ट नेताहरुले संयुक्त अपिल जारी गर्दै अचानक पार्टी विभाजन र विसर्जनको डिलमा पुगेको उल्लेख गरेका छन् ।

पार्टी अध्यक्ष ओलीको कार्यशैलीले पार्टीको विधिविधान, परम्परा र लोकतान्त्रिक मूल्यमान्यताको धज्जी उडाएको भन्दै अपिलपत्रमा भनिएको छ –पार्टी एकता बचाउन र कम्युनिष्ट आन्दोलन जोगाउन हामीले लिएको पहलकदमीका विरुद्ध शत्रुवत रुपमा आक्रमण गरिएको छ,जसले पार्टीलाई विसर्जन र विभाजनको डिलमा पु¥याएको छ ।

आफ्नै पार्टीका इमान्दार नेता कार्यकर्ताहरुप्रति दर्शाइएको यस्तो व्यावहारले कुनै पनि पार्टीले लोकतान्त्रिक मूल्य मान्यताको रक्षा गर्न नसक्ने भन्दै पार्टी अध्यक्ष नसच्चिए कम्युनिष्ट आन्दोलन नयाँ स्वरुपमा अगाडि बढ्ने चेतावनी दिइएको छ ।