टीकापुर पूर्ण खोप सुनिश्चित पालिका घोषणा
नेपालबहस संवाददाता
बैशाख ९, २०७८ बिहिबार २३:३२:२१
९ वैशाख,भजनी । टीकापुर नगरपालिका बुधबार पूर्ण खोप सुनिश्चित पालिका घोषणा गरिएको छ । विसं २०७४ मा पहिलोपटक पूर्ण खोप नगरपालिका घोषणा गरिएको पालिका घोषणा भएको हो । नगरपालिकाले २०७७ माघमा नगरभित्रको घरधुरी सर्वेक्षण गरी खोप लगाउन छुटेका बालबालिकालाई खोपको दायरामा ल्याई पूर्ण खोप सुनिश्चितता पालिका घोषणा गरिएको नगरपालिकाका स्वास्थ्य शाखा प्रमुख बलबहादुर रावलले जानकारी दिए ।
“जन्मेदेखि १५ महिनाका २८ बालबालिकालाई खोप नलगाएको सर्वेक्षणले देखाएको छ भने १६ देखि २३ महिना सम्मका १० बालबालिका खोप लगाउन छुटेका रहेछन्”, स्वास्थ्य शाखा प्रमुख रावलले भने, “ती सबै बालबालिकालाई खोपको दायरामा ल्याउनुको साथै वडा नं २, ६ र ८ मा दोहोरो परिक्षण गर्दा कुनै बालबालिका खोप लगाउनबाट नछुटेको पाइएपछि पूर्ण खोन सुनिश्चितता पालिका घोषणा गरेका हौँ ।” कैलाली जिल्ला खोप समन्वयसमितिका अध्यक्ष सूर्यबहादुर थापाले नेपाललाई सम्वृद्ध बनाउन बालबालिकालाई सम्वृद्धिको बाटोमा डो¥याउन आवश्यक रहेको बताए । उनले खोप पाउनु बालबालिका नैसर्गिक अधिकार भएको बताउँदै त्यस्मा सबै क्षेत्रको भूमिका महत्वपूर्ण रहेको बताए ।
“टीकापुर पहिलेदेखि नै शिक्षित क्षेत्र हो । त्यहीँ शिक्षाकै कारणले स्वास्थ्यमा पनि नगरपालिका उत्कृष्ट बनेको छ”, थापाले भने, “त्यसमा स्वास्थ्यकर्मी, महिला स्वास्थ्य स्वयम्सेविकाको भूमिका अझ बढी छ ।” उनले कोरोनाको जोखिम बढ्दै गएको बताउँदै त्यसको नियन्त्रणका लागि कैलालीका सबै स्थानीय तहलाई तयारी अवस्थामा रहन निर्देशन दिइसकेको बताए ।
“अहिलेको समयमा विकास निर्माणका कामभन्दा स्वास्थ्यप्रति बढी जिम्मेवार रहनसहन आवश्यक छ । कोरोनाको संक्रमण समुदायस्तरसम्म फैलिसकेको देखिन्छ”, थापाले भने, “मानिसको जीवन रहे सबै कुरा हुन्छ । त्यसैले पनि स्वास्थ्य क्षेत्रमा सबैले जिम्मेवारी हुनुपर्छ ।” टीकापुर नगरपालिका–८ का वडाध्यक्ष दीर्घबहादुर ठकुल्लाले बालबालिकाको भविष्य सुनिश्चित् गर्न सकेमात्र सम्वृद्ध समाज निर्माण हुनसक्ने भन्दै स्वास्थ्य क्षेत्रको विकासलाई नगरपालिकाले सधैँ प्राथमिकतामा राख्ने गरेको बताए ।
“बालबालिकालाई उनीहरूको नैसर्गिक अधिकारबाट वन्चित गरिनु हुँदैन”, ठकुल्लाले भने, “खोपले धेरै रोगसँग लड्नसक्ने क्षमताको विकास गर्ने भएकोले पनि खोपबाट कुनै बालबालिकालाई छुटाउनु राम्रो हुँदैन ।”
जिल्ला स्वास्थ्य कार्यालय कैलालीका प्रमुख लालबहादुर धामीले औषधोपचारले सञ्चो नहुने रोग खोपले सञ्चो हुने गरेको बताउँदै २०३४ सालमा दुईवटा एन्टिजेन खोपबाट शुरु गरेको अभियानमा अहिले १२ वटा रोगविरुद्धको खोप लगाइँदै आएको बताए । “जीवनमा खोपको महत्व धेरै छ । नेपाल सरकारले नै पूर्ण खोप सुनिश्चितताको लागि आह्वान गर्दै आएको छ”, प्रमुख धामीले भने, “स्वास्थ्यको क्षेत्रमा कैलालीका १३ वटै स्थानीय तहमा टीकापुर अगाडि छ । हामीले कतै उदाहरण दिँदा पनि टीकापुरको दिने गरेका छौँ ।”
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधनगढीका नगर प्रमुखलाई ज्यान मार्ने धम्की !
चैत ५, २०८० सोमबार
पर्यटकीय क्षेत्र मणिका धाममा धार्मिक मेला सुरु
चैत ५, २०८० सोमबार
आगलागीले बन्द भएको कर्णाली पुल आजदेखि खुल्यो
चैत ५, २०८० सोमबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
प्रहरी हिरासतमा रहेका महरालाई उपाध्यक्ष पदबाट राजीनामा दिन प्रचण्डको दवाव
चैत ६, २०८० मंगलबार
दैनिक हनुमान चालिसा पाठ गर्नुहोस्, जीवनमा आश्चर्यजनक लाभहरू पाउनुहुनेछ
चैत ६, २०८० मंगलबार
आदर्शका गफ छाट्ने ठाकुरबाबा नगरपालिकामा छैन दमकल
चैत ६, २०८० मंगलबार
राष्ट्रपति रनिङ शिल्ड मेयर सिंहलाई हस्तान्तरण
चैत ६, २०८० मंगलबार
गठबन्धनको साझा कार्यक्रम: १३ विषयको उठान, ढर्रा पुरानै
चैत ६, २०८० मंगलबार
बेगनास तालमा प्रथम राष्ट्रिय ड्रागन बोट दौड प्रतियोगिता हुने
चैत ६, २०८० मंगलबार
सुरक्षाबाहेक सरकारले उपनिर्वाचनका लागि आयोगलाई दियो १० करोड
चैत ६, २०८० मंगलबार
भृकुटीमण्डपस्थित बगैँचामा फुलेको आरुको फूल
चैत ६, २०८० मंगलबार