रुद्रमती किनारको अतिक्रमित जग्गामा आकर्षक उद्यान बनाइने
नेपालबहस संवाददाता
बैशाख ९, २०७८ शुक्रबार २:१९:९
९ बैशाख, काठमाडौं । काठमाडौं महानगरपालिका– ११ बबरमहलस्थित रुद्रमती नदी उकासको अतिक्रमित एक रोपनी आठ आना एक पैसा तीन दाम सार्वजनिक जग्गा डोजर लगाएर खाली गरिएको छ । काठमाडौं जिल्ला निर्वाचन क्षेत्र नं १ ‘क’ बाट निर्वाचित वाग्मती प्रदेशसभा सदस्य दीपेन्द्र श्रेष्ठ र काठमाडौं महानगरपालिका–११ का जनप्रतिनिधिको सक्रियतामा अतिक्रमित सार्वजनिक जग्गा डोजर लगाएर खाली गरिएको हो ।
कार्यक्रममा प्रदेशसभा सदस्य श्रेष्ठले महानगरपालिकाको वडा नं १० मा पनि सार्वजनिक जग्गा विभिन्न व्यक्तिका नाममा अतिक्रमण गरिएकाले हटाउन लागिएको जानकारी दिए । रुद्रमती किनारको कित्ता नं २७ र १८ को यो जग्गा सरकारका पूर्वसहसचिव सुरज डोटेलले श्रीमती रेखा डोटेलका नाममा टहरा बनाएर भाडामा लगाई अतिक्रमण भएको थियो । सार्वजनिक जग्गा हडप्ने डोटेललाई जग्गा खाली गर्न र भाडामा राखेको मान्छे अन्यत्र सार्न वडा कार्यलयबाट पटकपटक पत्राचार गरी प्रक्रिया अघि बढाइए पनि अटेर गरेपछि डोजर चलाउन बाध्य हुनुपरेको वडाध्यक्ष हीरालाल तण्डुकारले जानकारी दिए ।
मालपोत र नापी कार्यालयबाट दुवै कित्ताका सार्वजनिक जग्गाको निस्सा प्रमाण लिएर चालू आर्थिक वर्षमै उद्यान निर्माण गर्न लागिएको उनले बताए । उद्यान निर्माणका लागि डिजाइनसमेत तयार पारिएको छ । जसका लागि रु तीन करोड व्यवस्थापन गरिएको वडा कार्यालयले जनाएको छ । सार्वजनिक जग्गा अतिक्रमणविरुद्ध सबै जनप्रतिनिधि र स्थानीयवासी एक हुनुपर्नेमा जोड दिइएको छ ।
अतिक्रमित सबै सार्वजनिक जग्गा खाली गरी उद्यान निर्माण गरेर भूकम्पलगायत विपत्तिका बेला उपयोग गर्न सकिने गरी सुरक्षित राखिने जनाइएको छ । काठमाडौं निर्वाचन क्षेत्र नं १ अन्तर्गतका सार्वजनिक जग्गा अतिक्रमणविरुद्ध अभियान चलाएर खाली गराउन लागिएको प्रदेशसभा सदस्य श्रेष्ठले बताए ।
अन्यत्र पनि यसरी जग्गा अतिक्रमण गरेको जानकारी गराउन पनि उनले स्थानीयवासीमा आह्वान गरे । वडा नं १० र ११ का अतिक्रमित जग्गाको नाप जाँचसमेत सकेर खाली गर्न वडा कार्यालयले काम गरिरहेको जनाइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचित्तपोल सिमल्टार बाँसुरी बाजा खलका ३९ जना प्रशिक्षित
चैत ५, २०८० सोमबार
कावासोतीबाट गैँडा स्थानान्तरणको काम सुरु
चैत २, २०८० शुक्रबार
आगामी चैत १ गतेदेखि वैशाख १५ सम्म कान्तिराजपथ बन्द गरिने
फागुन २८, २०८० सोमबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
हुण्डीको कारोबारामा संलग्न रहेको आरोपमा वीरगञ्जबाट एक जना पक्राउ
चैत ५, २०८० सोमबार
बन्दुकसहित दुर्गा प्रसाईंका सुरक्षा गार्ड पक्राउ
चैत ५, २०८० सोमबार
शासकहरू
चैत ५, २०८० सोमबार
गृहमन्त्री रवि लामिछानेले सहकारी ठगेको कतै पनि भेटिएनः प्रधानमन्त्री
चैत ६, २०८० मंगलबार
पशु बीमा गर्न कठिन भएकाे किसानकाे गुनासाे
चैत ६, २०८० मंगलबार
घाइते भन्छन्:- चालकको लापरबाहीले दुर्घटना भयो
चैत ६, २०८० मंगलबार
लटरम्म फलेको स्ट्रबेरी
चैत ६, २०८० मंगलबार