प्राइम कमर्सियल बैंकको ऋणपत्र रजिष्ट्रारमा आरविवि मर्चेन्ट बैकिङ्ग

१० बैशाख, काठमाडौं । प्राइम कमर्सियल बैंकको ऋणपत्र रजिष्ट्रारमा आरविवि मर्चेन्ट बैकिङ्ग लिमिटेड नियुक्त भएको छ । बैंकको ऋणपत्र कारोबार सम्बन्धि अभिलेख राख्ने, दाखिल खारेज, नामसारी, रोक्का राख्ने लगायत डिबेन्चरवालाहरुको लगत अद्यावधिक गरी राख्ने सम्पूर्ण कार्य गर्नको लागि २०७८ बैशाख ९ गते देखि लागु हुने गरि आरविवि मर्चेन्ट बैंकिङ्गलाई डिबेन्चर रजिष्ट्रारका रूपमा नियुक्त गरिएको हो ।

प्राइम कमर्सियल बैंकको डिबेन्चर रजिष्ट्रार अन्तर्गतको सम्पुर्ण कार्यहरु अब आरविवि मर्चेन्ट बैंकिङ्ग लिमिटेड मार्फत हुने गरी सम्झौता–पत्रमा हस्ताक्षर भएको छ। उक्त सम्झौतापत्रमा बैंकका प्रमुख कार्यकारी अधिकृत नारायण दास मानन्धर र आरविवि मर्चेन्ट बैंकिङ्गका प्रमुख कार्यकारी अधिकृत बद्री प्रसाद प्याकुरेलले हस्ताक्षर गरेका थिए ।

आरविवि मर्चेन्ट बैंकिङ्ग लिमिटेड राष्ट्रिय वाणिज्य बैंक लिमिटेडको पूर्ण स्वामित्व रहेको र नेपाल धितोपत्र बोर्डबाट स्वीकृत प्राप्त मर्चेन्ट बैंकिङ्ग लिमिटेड हो ।