पार्टी सदस्यबाट निष्कासित हुँदै कर्णालीका चार सांसद

१० बैशाख, काठमाडौं । नेकपा एमाले कर्णाली प्रदेशका चारजना प्रदेश सभा सदस्यलाई सांसद पद र पार्टी सदस्यताबाटै हटाउने तयारी गरिएको छ । शुक्रबार प्रधानमन्त्रीनिवास बालुवाटारमा बस्ने नेकपा एमाले महाधिवेशन आयोजक कमिटीको बैठकले उनीहरुलाई हटाउन लागेको हो ।

गतसाता कर्णाली प्रदेशका सांसद प्रकाश ज्वाला, कुर्मराज शाही, नन्दसिंह बुढा र अमरबहादुर थापाले पार्टीको ह्वीप उल्लंघन गगरेका थिए । उनीहरुले ‘फ्लोर क्रस’ गर्दै मुख्यमन्त्री महेन्द्रबहादुर शाहीलाई विश्वासको मत दिएका थिए । पार्टीको निर्देशनविपरीत शाहीको पक्षमा मतदान गरेको भन्दै उनीहरुलाई पार्टीको सदस्य बाट नै हटाउन लागेको हो ।

त्यस्तै बैठकमा कर्णाली प्रदेशका ५ सहित ३२ सांसदलाई सोधिएको स्पष्टीकरणबारे विश्लेषण हुँदै छ भने नेकपा एमालेले बरिष्ठ नेता माधव कुमार नेपालसहितका संघीय सांसदबारे भने उनीहरुको स्पष्टीकरण अध्ययन गरिदै छ ।

यसअघि वैशाख ६ गते बसेको बैठकले माधव नेपालसहित भीम रावल, घनश्याम भुषाल र सुरेन्द्र पाण्डेलाई पार्टीबाट ६ महिनाका लागि निलम्बन गरिसकेको छ ।