ओली र नेपाल दुवै शक्ति सञ्चयमा

१० वैशाख, काठमाडौं । कोरोना महामारीको दोस्रो लहर धेरै खतरनाक रहेको भन्दै सरकारले २५ जनाभन्दा बढीलाई एकै ठाउँ भेलाहुन रोक लगाएको छ ।

तर, सरकारी संयन्त्र र सत्ताधारी पार्टीका गतिविधि भने विगत झैं चलिरहेका छन् । अझ प्रधानमन्त्री केपी ओली संकटग्रस्त भएका बेलाभन्दा अहिले सहज अवस्थामा रहँदाअ झैं तामझामका साथ बाक्लो उपस्थिति माझ कार्यक्रममा सहभागि भइरहेका छन् ।

पार्टी भित्र एकलौटी गर्ने ओलीको चाह हो । त्यसकालागि उनले अहिले सर्वोत्तम उपयुक्त अवसर ठानेका छन् । किनभने यतिबेला उनका पार्टी प्रतिस्पर्धीहरु कमजोर अवस्थामा छन् । खासगरी माधवकुमार नेपाल लगायतका उनका प्रतिद्वन्द्वीलाई तहलगाउने अवसर मिलेको छ यतिबेला ।

चार जना शीर्ष नेता जो ओलीका विरोधी हुन्, उनीहरु त ६ महिनाका लागि निलम्बित अवस्थामै छन् । बाँकी नेताहरुलाई पनि ओलीले स्पष्टीकरण सोधेको अवस्था छ । प्रतिनिधि सभामा रहेका २७ र कर्णाली प्रदेशका पाँच जनाले हिजै स्पष्टीकरण बुझाइ सकेका छन् ।

आज उनीहरुमाथि थप कारबाही गर्न ओलीले बालुवाटारमा केन्द्रीय कमिटी बैठक डाकेका छन् । संभवतः कर्णाली प्रदेशका पाँचै जना सांसद्हरुलाई आजैबाट हटाइने छ भने प्रतिनिधि सभाका केही सदस्यलाई केही समय भित्रै पदमुुक्त गर्ने प्रकृया अघि बढ्ने छ । यो निर्णय लिन ओलीले ठूलै भिड जम्मा गरेका छन् ।

ओलीको कारबाही भोग्न तयार माधव नेपालपक्षीय केही नेता नयाँ पार्टी नै गठन गर्ने निश्कर्षमा पुगेका छन् । स्रोत भन्छ– २७ सांसद्हरु मध्ये १२ जना चाहिं कुनै पनि हालतमा ओलीसँग बस्न सक्ने पक्षमा छन् । बाँकी १५ जना भने माओवादी पक्षसँग मिल्ने शर्तमा पार्टी विभाजनको निर्णय गर्नु नहुने पक्षमा छन् ।

यस्तो मत राख्नेहरुको चाहना कताकता ओलीतिरै ढल्कने जस्तो देखिन्छ । योगेश भट्टराई, गोकर्ण विष्ट र रामकुमारी झाँक्री जस्ता क्रान्तिकारीहरु समेत अहिले माओवादीभन्दा ओली नै वेश भन्ने पक्षमा पुुगेको अवस्था छ । तर झलनाथ खनाल, माधव नेपाल, भीम रावल जस्ता शीर्ष नेता भने अब ओलीसँग पुुच्छर लुकाएर जानुुभन्दा बेग्लै पार्टी खोलेर राजनीति गर्नु उपयुक्त हुने पक्षमा देखिएका छन् ।

अविश्वास प्रस्ताव दर्ता हुँदा ओली सरकार गिराउन माधव नेपालपक्षले फ्लोर क्रस गर्ने निश्चित छ । त्यसैले ओली त्यस्तो अवस्था आउनु अगावै नेपालहरुलाई पदमुक्त गर्न चाहन्छन् । त्यसैको कडीको रुपमा पछिल्ला गतिविधि सञ्चालित छन् ।

आजको केन्द्रीय कमिटी बैठकमा ओलीले लिने निर्णय पछि भने नेकपाको भविष्य प्रष्ट हुने देखिन्छ । कदाचित ओलीले नेपाल पक्षीय नेताहरुलाई कारबाही प्रकृया अगाडि बढाए भने एमाले औपचारिक रुपमै विभाजित हुने दिशातर्फ उन्मुख हुने छ । स्रोतकाअनुसार, नेता भीम रावलले नयाँ पार्टी गठन गरेर वाममोर्चा बनाउने तयारी गरेका छन् । उक्त अभियानलाई बल प्रदानगर्न नेता रावल सकृय रहेका छन् ।

ओलीले पनि केही समय नेपाल पक्षलाई अल्झाउने रणनीति लिएको देखिन्छ । सरकारविरुद्ध अविश्वास प्रस्ताव ल्याउने अन्तिम कसरत गरिरहेका नेपाली कांग्रेस र नेकपा माओवादी केन्द्रको ध्यान अर्कैैतिर तान्न ओलीले माधव नेपालसँग वार्ताको फण्डा फालेका छन् ।

गएको वुधबार र विहिबार ओलीले नेता नेपालसँग दुुई चरण वार्ता गरे । पहिलो दिन लचिलो देखिएका ओली भोलिपल्टै फेरि पुरानै रुपमा आए । जसले गर्दा अविश्वास प्रस्ताव दर्ता गर्ने तयारीलाई कांग्रेसले थाँती राखेको छ ।

कांग्रेस सभापति शेरबहादुर देउवालाई एमाले नेता नेपालले कर्णाली प्रदेशमा जस्तै फ्लोर क्रस गर्ने विश्वास दिलाएपछि अविश्वास प्रस्ताव दर्ता गर्न हौसिएका थिए । तर हिजो र अस्तीको नयाँ फण्डाले देउवा अलमलिएका छन् । ओलीको चाहना पनित्यही हो कि आफूविरुद्ध अविश्वास प्रस्ताव दर्ता नहोस् ।

अविश्वास प्रस्ताव दर्ता हुँदा ओली सरकार गिराउन माधव नेपालपक्षले फ्लोर क्रस गर्ने निश्चित छ । त्यसैले ओली त्यस्तो अवस्था आउनु अगावै नेपालहरुलाई पदमुक्त गर्न चाहन्छन् । त्यसैको कडीको रुपमा पछिल्ला गतिविधि सञ्चालित छन् ।

ओलीको चाला नेपालले पनि नबुुझेका होइनन् । वुधबार राति भएको वार्ता त्यसैको चाला रहेको उनलाई थाहा थियो । नभन्दै भोलिपल्टै ओलीको बोली फेरियो । त्यसैले अब ओलीसँगको सहयात्रा कुनैपनि हालतमा फलदायी नहुने नेपाल पक्षको निश्कर्ष छ ।

ओलीले सर्वाेच्च अदालतले फागुन २३ गते गरेको निर्णयको समेत अवज्ञा गरी आफूहरुलाई पदमुक्त गर्न खोजेको भन्दै सर्वाेच्चमा नेपाल पक्षले रिट दायर गरेको अवस्था छ । सो रिट उपर आइतवार वहस हुने छ । यसबारे अन्तिम फैसला आएपछि मात्रै नेपाल पक्षले नयाँ रणनीति बनाउने तयारी गरेको छ ।