एमाले स्थायी कमिटीमा माधव समूह ‘आउट’

काठमाडौं । नेकपा एमालेका अध्यक्ष केपी शर्मा ओलीले नयाँ स्थायी कमिटी बनाएका छन् । स्थायी कमिटी सदस्यमा माधवकुमार नेपाल र झलनाथ खनाल समूहका नेताहरु भने परेका छैनन् ।

तर आफूसँग असहमत भए पनि अच्छा दोस्ती भएका र तटस्थ देखिएका वामदेव गौतमलाई भने राखिएको छ । स्थायी कमिटीमा केपी शर्मा ओली, रामबहादुर थापा बादल, विष्णुप्रसाद पौडेल, सुवास नेम्वाङ, ईश्वर पोखरेल, शंकर पोखरेल, प्रदीप ज्ञवाली, लेखराज भट्ट, टोपबहादुर रायमाझी, सत्यनारायण मण्डल, विष्णु रिमाल, छबिलाल विश्वकर्मा, पृथ्वी सुब्बा गुरुङ, रघुवीर महासेठ, केशब बडाल र पुष्पराज कँडेल रहेका छन् ।

एमालेको नवौं महाधिवेशनबाट बनेको स्थायी कमिटी गएको  फागुन २८ को बैठकमा खारेज गरिएको थियो । बढ्दै गएको पार्टीभित्रको विवादका बिच अध्यक्ष केपी शर्मा ओली र माधवकुमार नेपाल लगातार दुई दिन भेटेपनि छलफल सकारात्मक हुन सकेको छैन् ।