फ्लोर क्रस गर्ने कर्णालीका ४ सांसद पार्टीबाट निश्कासित

१० वैशाख, काठमाडौं । बालुवाटारमा बसेको एमाले महाधिवेशन आयोजक समितिको बैठकले कर्णाली प्रदेशमा फ्लोर क्रस गर्ने ४ जना सांसदलाई पार्टी सदस्य र सांसद पद नरहने गरी कारबाही गर्ने निर्णय गरेको छ ।

कर्णाली प्रदेशमा फ्लोर क्रस गर्ने सांसदहरु प्रकाश ज्वाला, नन्दसिंह बुढा, अमर थापा र कुर्मराज शाहीलाई निश्कासन गर्ने निर्णय गरेको हो ।

गत साता कर्णाली प्रदेशका सांसदहरुले पार्टीको ह्वीप उल्लंघन गर्दै मुख्यमन्त्री महेन्द्रबहादुर शाहीलाई विश्वासको मत दिएका थिए । पार्टीको निर्देशनविपरीत शाहीको पक्षमा मतदान गरेको भन्दै उनीहरुलाई पार्टीको सदस्यबाट नै हटाइएको हो ।

यस्तै फ्लोर क्रस गरेपनि पछि मत सच्याएकी सांसद देवी ओलीसँग भने थप स्पष्टीकरण सोध्ने निर्णय भएको छ ।