एभरेष्ट बैंक नयाँ शाखा दमौलीमा

१० बैशाख, तनहुँ । एभरेष्ट बैंकले नयाँ शाखमा विस्तार गरेको छ । बैंकले शुक्रबार तनहुँको सदरमुकाम दमौलीमा नयाँ शाखा विस्तार गरेको हो । एभरेष्ट बैंकको शाखा उद्घाटन व्यास नगरपालिका–२ नगर प्रमुख बैकुण्ठ न्यौपानेले शुभारम्भ गरेका हुन् । उनले शाखा शुभारम्भ गर्दै बैंकले सहज र सरल सुलभ व्यवसायी तथा सर्वसाधारणलाई सेवा दिन आग्रह गरे ।

नेपाल उद्योग वाणिज्य महासङ्घका केन्द्रीय सदस्य देवकुमार श्रेष्ठले राम्रा योजना छनोट गरेर बैंकले लगानी बढाउनुपर्नेमा जोड दिए । तनहुँ उद्योग वाणिज्य सङ्घका अध्यक्ष पविन्द्रकुमार श्रेष्ठले कोभिडका कारण अप्ठ्यारोका परेका व्यवसायीलाई राहत दिने खालका योजना ल्याउन आग्रह गरे ।

बैंकको दमौलीमा विस्तार भएको शाखा १०३औँ शाखा हो । छब्बीस वर्ष पहिला स्थापना भएको बैंकको एघार लाख सन्तुष्ट ग्राहक रहेको बैंकका गण्डकी प्रदेश प्रमुख राजु गौलीले जानकारी दिए । गण्डकी प्रदेशमा बैंकका १० वटा शाखा सञ्चालनमा छ । बैंकले घर कर्जा, सौगात बचत खाता, सवारी साधन कर्जा, नारी बचत खाता, शैक्षिक कर्जा लगायतका सेवा प्रवाह गरिरहेको छ ।