नेपालमा थप २६१८ जनामा संक्रमण पुष्टि, १४ को मृत्यु

११ वैशाख, काठमाडौं । पछिल्लो २४ घण्टामा नेपालमा थप २ हजार ६१८ जनामा कोरोना भाइरस संक्रमण पुष्टि भएको छ। ७ हजार ५२५ जनाको पीसीआर र १ हजार १४३ जनाको एन्टिजेन परीक्षण गराउँदा २ हजार ६१८ जनामा कोरोना पुष्टि भएको हो।

पीसीआर परीक्षणबाट २ हजार ४८६ र एन्टिजेन परीक्षणबाट ३३३ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ। मन्त्रालयका अनुसार हाल १६ हजार २ जना कोरोनाका सक्रिय संक्रमित छन्।

यस्तै पछिल्लो २४ घण्टामा ३६८ जना कोरोनामुक्त भएका छन्। नेपालमा हालसम्म २ लाख ७७ हजार १२३ जना निको भएका छन् भने कुल संक्रमितको संख्या २ लाख ९७ हजार ८७ पुगेको छ।

मन्त्रालयका अनुसार कोरोना संक्रमणबाट थप १४ जनाको मृत्यु भएको छ । यससँगै मृतकको संख्या ३१३६ पुगेको छ । स्वास्थ्य मन्त्रालयका अनुसार २५ घण्टामा ८ जनाको कोरोना संक्रमणबाट मृत्यु भएको छ। यससँगै मृतकको संख्या ३ हजार १ सय ३६ पुगेको मन्त्रालयले जनाएको छ।