सामुदायिक वनमा पाटे बाघ मृत अवस्थामा फेला

१२ बैशाख, पर्सा । पर्सा जिल्लाको रामबुद्ध सामुदायिक वन क्षेत्रमा एउटा पाटेबाघ मृत अवस्थामा भेटिएको छ । जिल्लाको ठोरी गाउँपालिका-३ स्थित रामनगर नजिकैको सामुदायिक वनमा वयस्क पाटे बाघ शनिबार साँझ मृत अवस्थामा भेटिएको हो ।

सामुदायिक वनभित्र गाईवस्तु चराउन गएका स्थानीयले मृत बाघ देखेपछि मध्यवर्ती उपभोक्ता समितिका पदाधिकारीलाई खबर गरेका थिए । मृत बाघलाई चितवन राष्ट्रिय निकुन्ज प्रशासनले लगेको छ । बाघको मृत्युको कारण भने खुलेको छैनन ।