रिडी हाइड्रोपावर डेभलपमेन्ट कम्पनीको मुनाफा ३०.६८ प्रतिशतले घट्यो, नेटवर्थ कति ?

१२ बैशाख, काठमाडौं । रिडी हाइड्रोपावर डेभलपमेन्ट कम्पनी लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार कम्पनीको मुनाफा गत आर्थिक वर्षको सोही अवधिको तुलनामा घटेको छ।

तेस्रो त्रैमाससम्ममा कम्पनीले २ करोड १४ लाख रुपैयाँ मुनाफा आर्जन गरेको छ। जुन गत आर्थिक वर्षको सोही अवधिको तुलनामा ३०।६८ प्रतिशत कम हो। समीक्षा अवधिमा कम्पनीको आम्दानी बढेपनि खर्च नियन्त्रण गर्न नसक्दा खुद नाफा बढ्न पुगेको हो।

समीक्षा अवधिमा कम्पनीको विद्युत बिक्री मुनाफा १०१.०६ प्रतिशत बढेको छ भने जम्मा सञ्चालन खर्च ३०९.०६ प्रतिशत बढेको छ। जसले गर्दा आम्दानी बढेपनि मुनाफा घट्न पुगेको हो।

चैत मसान्तसम्ममा कम्पनीको प्रतिशेयर आम्दानी ४ रुपैयाँ ८७ पैसा रहेको छ। जुन गत आर्थिक वर्षको सोही अवधिको तुलनामा ९५ पैसा कम हो। सो अवधिसम्ममा कम्पनीको प्रतिशेयर नेटवर्थ १०३ रुपैयाँ ८४ पैसा रहेको छ भने मूल्य आम्दानी अनुपात ४३.५७ गुणा रहेको छ।