कांग्रेस अविश्वास प्रस्ताव दर्ता गर्न सकारात्मक, ओली थप सांसदलाई कारबाही गर्ने पक्षमा
नेपालबहस संवाददाता
बैशाख १२, २०७८ आइतबार १८:३:४५
१२ बैशाख, काठमाडौं । नेपाली कांग्रेसको अगुवाईमा अब भने नयाँ सरकार बनाउने प्रयासले गति लिने देखिएको छ । नेकपा एमाले भित्रको रडाकोले पार्टी विभाजनकै अवस्था निम्त्याएको ठहर गर्दै देउवा अब भने सत्ता राजनीतिमा तानिएका छन् । आजै उनले आफ्नै निवासमा पदाधिकारी बैठक डाकेका छन् ।
भोलिका लागि केन्द्रीय कार्यसमिति बैठक समेत उनले बोलाएका छन् । आज पदाधिकारीहरुसँग देउवाले खुलेरै नयाँ सरकार बनाउनेबारे छलफल गर्ने बूढानिलकण्ठ निकट स्रोतले बतायो । देउवाले जनता समाजवादी पार्टीबाट धेरै आशा गरेका छैनन् । खासगरी यो पार्टीका महन्थ ठाकुर र राजेन्द्र महतोहरुको ओलीसँगको हिमचिमले देउवा हच्किएका थिए । ओली सरकारसँग लहसिएका जसपाका खास नेताको रुचीले दक्षिणतिरको चाहनाको संकेत गरेको बुझ्न सकिन्छ ।
त्यसैको रन्कोले गत साता देउवा कस्सिएका थिए । देउवाले ओली भारतको टांग मुनि पसिसकेको टिप्पणी गरेका थिए । ओली सरकारको विकल्पमा भारतले आफू नेतृत्वको सरकार बनाउन अरुचि देखाएको प्रष्ट भएपछि देउवाले यस्तो प्रतिक्रिया दिएका हुन् ।
त्यसैले देउवा अब एमाले कै माधवकुमार नेपाल पक्षसँग भर परेका छन् । ओलीविरुद्ध अविश्वास प्रस्ताव ल्याए माधव पक्षले फ्लोर क्रस नै गर्ने विश्वास देउवाले पाएका छन् । ओलीलाई पदच्यूत नगरेसम्म एमालेमा आफ्नो पक्ष भूमिकाशून्य हुने बुझाइ नेपाल पक्षको रहेको छ । त्यसैले जस्तोसुकै मूल्य चुकाएर भएपनि ओलीलाई अपदस्थ गर्ने दाउ माधव पक्षको रहेको छ ।
यो बुझेर मात्रै देउवाले कदम अगाडि बढाएका हुन् । आज बस्ने पदाधिकारी बैठकले समझदारी बनाएर भोलिको केन्द्रीय कार्यसमिति बैठकबाट अनुमोदन गराउने पक्षमा देउवा रहेका छन् ।
यसैबीच ओलीले माधव पक्षको चालामाला राम्रो नभएको बुझेर आजै केही सांसद्लाई निलम्बन गर्ने तयारी थालेको छ । यसै प्रयोजनका लागि आज बिहानै आकस्मिक रुपमा केन्द्रीय कमिटी बैठक डाकिएको छ । संभवतः यही बैठकबाट केही सांसद् निलम्बन गर्ने तयारी थालिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार