राताम्य बजारमा मेगा बैंकको शेयरमा उच्च खरिद माग

१२ बैंशाख, काठमाडौं । आइतवार कारोबारको तेस्रो घण्टामा नेप्से परिसूचक ६२ दशमलव २९ अंकले घटेर २ हजार ५८५ दशमलव ७१ विन्दुमा पुगेको छ ।

२ दशमलव ७८ प्रतिशतले घटेको बजारमा २१५ ओटा कम्पनीको  ५ अर्ब १६ करोड ४२ लाख ३७ हजार बराबरको शेयर खरीदविक्री भएको छ ।

कारोबारको तेस्रो घण्टामा महिला लघुवित्त र विशाल बजार कम्पनीको शेयरमूल्य सर्वाधिक ९ दशमलव ९९ र ९ दशमलव ९७ प्रतिशतले बढेको छ ।

तेस्रो घण्टामा कारोबारमा आएका १३ ओटा समूहको परिसूचकमध्ये सबै समूहको परिसूचक घट्दा समग्र नेप्से घटेको हो । जसमध्ये होटल्स तथा पर्यटन समूहको परिसूचक सर्वाधिक ४ दशमलव ६५ प्रतिशतले घटेको हो ।

मेगा बैंकको शेयरमा उच्च खरिद माग

यो दिन सबैभन्दा बढि मेगा बैंकको शेयर माग खरिद माग रहेको छ । बैंकको शेयरमा साढे २ लाख कित्ता शेयर माग देखिएको हो । आज बैंकको ७७ हजार कित्ता बिक्री अर्डर रहेको छ ।