मुख्यमन्त्री गुरुङविरुद्वको अविश्वास प्रस्ताव प्रदेशसभामा पेश गरिदैं

१३ बैशाख, काठमाडौं । गण्डकी प्रदेशसभा बैठकमा आज मुख्यमन्त्री पृथ्वीसुब्बा गुरुङविरुद्वको अविश्वास प्रस्ताव टेबुल हुने भएको छ। दिउसो २ बजे शुरूहुने गण्डकी प्रदेशसभाको विशेष अधिवेशन पहिलो दिन अविस्वासको प्रस्तव टेवल भएको हो ।

गण्डकी प्रदेशको सोमबार शुरु हुने विशेष अधिवेशनको पहिलो दिन नै अविश्वास प्रस्तावमाथि छलफल हुने भएको हो। पहिलो दिन दलीय आधारमा नेताले बोल्ने कार्यसूची परिवर्तन गरी अविश्वास प्रस्ताव पेश गर्न हिजो बसेको कार्यव्यवस्था परामर्श समितिमा सहमति भएको हो।

अविश्वासको प्रस्तावमा हस्ताक्षर गर्ने नेपाली कांग्रेस संसदीय दलका नेता एवं मुख्यमन्त्रीका उम्मेदवार कृष्णचन्द्र पोखरेल नेपालीले प्रस्ताव टेबुल गर्नेछन्।अविश्वासको प्रस्तावमा २८ जनाको हस्ताक्षर छ। राष्ट्रिय जनमोर्चाले प्रस्तावमा हस्ताक्षर गरेको छैन, तर मतदानमा सघाउने प्रतिवद्धता जनाएकोले गुङ्गको सरकार ढल्ने पक्का जस्तै देखिएको छ । जहाँ एमाले नेताहरुले फलर क्रस गर्नुपर्ने अवस्था देखिदैन ।

६० सदस्यीय प्रदेश सभामा बहुमत पुर्‍याउन ३१ मत आवश्यक पर्छ। एमालेको २७, कांग्रेसका १५, माओवादी केन्द्रका १२ सांसद छन्। राष्ट्रिय जनमोर्चाका ३, जनता समाजवादी पार्टीका २ र स्वतन्त्र एक सांसद छन्।