निषेधाज्ञाबारे निर्णय लिन उपत्यकाका सुरक्षा अधिकारीहरु संयुक्त छलफलमा

१३ बैशाख, काठमाडौं । राजधानी काठमाडौं उपत्यकामा बढ्दो कोरोना सङ्क्रमणको जोखिम कम गर्न गृहमन्त्रालयका उच्च अधिकारीहरु  सहित काठमाडौं उपत्यकाका तीन ‍जिल्लाका प्रमुख जिल्ला अधिकारी र सुरक्षा निकाय संयुक्त छलफलमा जुटेका छन्।

काठमाडौं जिल्ला प्रशासनको कार्यालयमा भइरहेको बैठकमा  कोभिड १९ संकट ब्यवस्थापन केन्द्र सिसिएमसिले गरेको सिफारिस र कोभिडको बढ्दो सक्रमणका सम्वन्धमा  काठमाडौं ललितपुर भक्तपुर गरी उपत्याकाका तीनै जिल्लामा आगामी दिनमा के रणनीति बनाउने भन्ने विषयमा छदफल केन्द्रित रहेको काठमाडौंका प्रमुख जिल्ला कालिप्रसाद पराजुलीले जानकारी दिए ।

सिसिएमसीको सिफारिस मन्त्रिपरिषद्बाट निर्णय भएर आइसकेपछि मात्र त्यही अनुसार कार्यान्वयमा लागिने बताउदै बैठकमा कोभिड १९ को मापदण्डको पालना अझ प्रभाकारी बनाउदै लैजाने र सक्रमण रोक्न अपनाउने रणनीतिका बारेमा छलफल भइरहेको पराजुली बताएका छन् । सिसिएमसिको सिफारिस अनुमोदनका लागि मन्त्रिपरिषदको बैठक बस्दै छ । साँझ ५ बजे बस्ने बैठकमा सिसिएमसिको सिफारिस परिमार्जन सहित अनुमोदनको गर्ने तयारी छ ।

हिजो मात्र उपत्यका तीन जिल्ल जिल्ला प्रशासन कार्यालयबाट प्रदान गर्ने अत्यावश्यक बाहेकका सेवा एक साताका लागि बन्द गर्ने निर्णय गरेका छन् । जिल्ला प्रशासन कार्यालयबाट प्रदान हुने अत्यावश्यक बाहेकका सेवा आजदेखि एक साताका लागि बन्द भइसकेका छन् ।