नेपाल क्रेडिट एण्ड कमर्स बैंककाे शेयरमा झुम्मिए लगानीकर्ता, साढे १२ लाख कित्ताको खरिद माग

१३ बैशाख, काठमाडौं । नेपाल क्रेडिट एण्ड कमर्स बैंकको शेयरमा उच्च शेयर खरिद माग देखिएको छ । सोमबार बैंकको शेयरमा साढे १२ लाख कित्ता शेयर खरिद माग आएको हो ।

यो दिन नप्सेमा नेप्से दोहोरो अंकले घटेको छ । दोहोरो अंकले घटेको बजारमा बैंकको शेयरमा भने उच्च चाप रहेको छ । यतिबेला नेप्से परिसूचक २१ दशमलव ८० अंकले बढेर २५ सय ५० विन्दूमा पुगेको छ ।

यस दिन लगानीकर्ताले बैंकको शेयरमा सबैभन्दा बढि खरिद माग गरेका छन् । बैंकको शेयरमा साढे १२ लाख कित्ता शेयर खरिद माग आएको छ । बैंकको शेयरमा उच्च खरिद माग आउँदा बिक्रीकर्ताले ७० हजार कित्ताको बिक्री अर्डर दिएका छन् ।

यतिबेला बैंक वित्त कम्पनीले तेस्रो त्रैमासको वित्तीय विवरण सार्वजनिक गरिरहेका छन् । लगानीकर्ताले राम्रो अर्थात बलियो रिपोर्ट प्रकासन गर्ने कम्पनीहरुको शेयर खरिद गर्ने गर्दछन् । तर, नेपाल क्रेडिट एण्ड कमर्स बैंकले तेस्रो त्रैमासिक रिपोर्ट सार्वजनिक गर्नु पहिले नै उच्च शेयर माग देखिन्छ ।

बैंकको दोस्रो त्रैमासमा मूनाफा घटेको थियो । बैंकले दोस्रो त्रैमासम्म ६१ करोड ४० करोड रुपैयाँ मूनाफा आर्जन गरेको हो । जुन अघिल्ला वर्षको तुलनामा १८ प्रतिशतले कम हो ।

त्यस्तै बैंकले शेयरधनीलाई गत वर्षको मूनाफाबाट १० दशमलव ८४ प्रतिशत लाभांश दिएको हो । बैंकले वितरण गरेको लाभांशको परिफेरियोमा थुप्रै बैकले लाभांश दिएका थिए ।