पछिल्लो १२ घण्टामा नेपालगन्जमा तीन संक्रमितको मृत्यु

१४ बैशाख, काठमाडौं । कोरोना भाइरस संक्रमणका कारण बाँके र दाङका तीनजना संक्रमितको नेपालगन्जमा मृत्यु भएको छ । काेराेना भाइरस संक्रमित भरएपछि उपचाररत बाँकेका दुईजना र दाङका एकजनाको पछिल्लो १२ घण्टामा मृत्यु भएको हो ।

स्वास्थ्य कार्यालय बाँकेका अनुसार नेपालगञ्ज–३ का २६ वर्षीय पुरुषको नेपालगञ्ज नर्सिङ होमको प्रि–आइसोलेसनमा सोमबार राति ८ः३० बजे मृत्यु भएको हो । यस्तै कोहलपुर–१ की ६० वर्षीया महिलाको भेरी अस्पतालमा मंगलबार बिहान २ः४० बजे मृत्यु भएको छ ।

यस्तै दाङको तुल्सीपुरबाट उपचारका लागि नेपालगन्ज मेडिकल कलेज भर्ना भएकी ७४ वर्षीया महिलाको मंगलबार बिहान ६ः२० बजे मृत्यु भएको हो । योसँगै बाँकेमा कोरोना संक्रमणबाट मृत्यु हुनेको संख्या ९२ पुगेको छ ।