पर्सामा कोरोना संक्रमित दुईजना महिलाको मृत्यु

१४ बैशाख, पर्सा । पर्सामा कोरोना संक्रमित दुईजना महिलाको मृत्यु भएको छ। गएराति उपचारको क्रममा वीरगञ्ज महानगरपालिका(२५, सिर्सियकी ६५ वर्षीया र जितपुर सिमरा उपमहानगरपालिका-६, सिमराकी ४० वर्षीया महिलाको नारायणी अस्पतालमा मृत्यु भएको हो ।

सिमराकी महिला ९ गते भर्ना भएकी थिइन् भने सोमबार भर्ना भएकी सिर्सियाकी महिलाको उपचारको क्रममा मृत्यु भएको हो। दुवै महिलाको मृत्यु आरआरडीएस, सीभियर निमोनियाले भएको चिकित्सकले बताएका छन् । योसँगै पर्सामा १२ जना र बाराका तीनजना, सर्लाहीका एकजनाको मृत्यु भइसकेको छ।