मंगलबार पनि बिशाल बजार र महिला लघुवित्तको शेयरमा सर्किट लागेर कारोबार

१४ बैशाख, काठमाडौं । मंगलबार पनि महिला लघुवित्त वित्तीय संस्था र बिशाल बजार कम्पनीको शेयर सर्किट लागेर कारोबार भएको छ । यस दिन यी दुई वटै कम्पनीको शेयर उच्च दरले वृद्धि भई कारोबार भएको हो ।

आज १२ बजेको अवधिमा बिशाल बजार कम्पनीको शेयर ९ दशमलव ९९ प्रतिशत र महिला लघुवित्तको शेयर ९ दशमलव ९६ प्रतिशतले बढेको छ ।

बिशाल बजारको शेयर मूल्य प्रतिकित्ता ४ हजार २१५ पुगेको छ । त्यस्तै महिला लघुविततको शेयरमूल्य २५ सय ८३ रुपैयाँ पुगेको छ । कारोबारमा आएको शुरुको दिन लघुवित्तको शेयर मूल्य ४४६ मा कारोबार भएको थियो ।

त्यसपछिको कारोबार दिनमा लगातार ९ दशमलव ९ प्रतिशतका दरले वृद्धि हुँदै आएको छ । कारोबारमा आएको २६ औं दिनसम्ममा पनि उक्त कम्पनीको शेयरमा लगानीकर्ताको आकर्षण कायमै रहेको छ । महंगो भएपनि कम्पनीको शेयर खरीदगर्नेहको संख्या धेरै भएकाले शेयर मूल्य बढेको हो ।

बिशाल बजारको मार्केट डेप्थमा हेर्दा कम्पनीको शेयर खरीद माग ५ हजार २५ कित्ता छ भने विक्रेता शून्य रहेको छ ।

त्यस्तै लघुवित्तको शेयरमा खरीद माग करिब २ लाख कित्ताको शेयर खरिख माग रहेको छ ।