निषेधाज्ञा जारी गरेलगत्तै उपत्यका छाड्नेको घुइँचो

१४ बैशाख, काठमाडाैं ।  काठमाडौं रसरकारले काठमाडौं उपत्यकामा दुई साता लामो निषेधाज्ञा जारी गरेलगत्तै घर फर्कनेको लर्काे लागेको छ । गएको वर्ष लकडाउन हुँदा उपत्यकाबाट घर फर्कन ठूलै सकस भएको थियो । त्यसैले यसपटक भने घर फर्कनेहरु हतारिएका छन् ।

बस र हवाई जहाजबाट उपत्यकाबाट बाहिरिनेको आज ठूलै भीड देखिएको छ । बिहानैदेखि घर जिल्लातिर जानेहरुको भीडभाडले सडक जाम भएको थियो । सडक मार्गबाट मात्रै पछिल्लो २४ घण्टामा ५० हजार मानिस बाहिरिएको जानकारी उपत्यका ट्राफिकले जनाएको छ ।

खासगरी दैनिक मजदूरी गर्ने र विद्यार्थीहरु गाउँ फर्कन हतारिएका हुन् । कोटेश्वर, नयाँ बसपार्क, कलंकी लगायतका क्षेत्रबाट फर्कनेको भीड बढी छ ।