सनराइज बैंकको मुनाफा २० प्रतिशतले बढ्यो, प्रतिशेयर आम्दानी कति ?

१५ बैशाख, काठमाडौं । सनराइज बैंकले चालु आर्थिक वर्षको तेस्रो त्रैमासमा २० प्रतिशतले मुनाफा बढेको छ।

गत आर्थिक वर्षको तेस्रो त्रैमाससम्ममा ९३ करोड ५२ लाख रुपैयाँ मुनाफा गरेको बैंकले चालु आर्थिक वर्षको सोहि अवधिमा १ अर्ब १३ करोड रुपैयाँ मुनाफा गरेको छ । जुन गत वयाृको तुलनामा २०.८२ प्रतिशतले धेरै हो।

बैंकको ब्याज आम्दानी घटेको छ । यस अवधिमा बैंकको ब्याज आम्दानी १४ प्रतिशतले घटेर २ अर्ब ५७ करोड रुपैयाँमा झरेको छ भने सञ्चालन मुनाफा पनि २५.८८ प्रतिशतले बढेको छ। यस अवधिमा बैंकले सम्भावित जोखिमबापत १७ करोड ५६ लाख रुपैयाँ छुट्याएको छ।

समीक्षा अवधिमा बैंकको निक्षेप संकलन १२ प्रतिशतभन्दा धेरैले बढेको छ भने कर्जा लगानी १५ प्रतिशतले बढेको छ।

हाल ९ अर्ब ४८ करोड रुपैयाँ चुक्ता पूँजी रहेको बैंकको जगेडामा ३ अर्ब ८४ करोड रुपैयाँ छ। बैंकको प्रतिशेयर आम्दानी १३ रुपैयाँबाट बढेर १५ रुपैयाँ पुगेको छ भने प्रतिशेयर नेटवर्थ १५२ रुपैयाँ रहेको छ।