जसपामा सत्ता समीकरण विवादः अन्तत विभाजनको संघारमा
नेपालबहस संवाददाता
बैशाख १५, २०७८ बुधबार १८:४१:१३
१५ बैशाख, काठमाडौं । संघीय सरकारदेखि प्रदेश सरकार हेरफेरमा अहिले जनता समाजवादी पार्टी (जसपा) निर्णायक बनेपनि पार्टीभित्र विवाद उत्पन्न हुँदा विभाजनको संघारमा पुगेको छ । आन्तरिक विवादमा फसेपछि जसपाले आफ्नो निर्णायक अभिमत सरकार वा विपक्षीमा रहेका दललाई कसलाई समर्थन गरेर जाने भन्ने बारे मत बाँझिदा विभाजनको संघारमा पुगेको हो ।
जसपाको एउटा खेमा प्रधानमन्त्री केपी शर्मा ओलीसँगै सहकार्य गर्ने पक्षमा छ भने अर्को खेमा नयाँ सत्ता समिकरणको अभियानमा छ । त्यसको असर प्रदेशमा सरकारहरुमा पनि देखिएको छ । लुम्बिनी प्रदेशका मुख्यमन्त्री विरुद्दको अविश्वासको प्रस्तावमा गत सोमबार हस्ताक्षर गरेका जसपाका प्रदेशसभा सदस्यहरुले नाटकीय रुपमा कित्ता परिवर्तन गर्दै केहीघण्टामै मन्त्रीको शपथ लिए ।
मुख्यमन्त्री शंकर पोखरेलले अविश्वासको प्रस्तावका पक्षमा बहुमत पुग्न नदिन लागि जम्मा ६ जना सांसद भएको जसपाका ४ जनालाई मन्त्री बनाएपछि पार्टीभित्र खैलाबैला मात्रै मच्चिएन, जसपाको प्रदेश कमिटीले निलम्वन गर्दै स्पष्टीकरण नै सोधेको छ ।
अर्को पक्षले उनीहरुलाई बधाइ दिँदै पार्टी निर्णय अनुसारकै काम भएको दावी गरेको छ । यसले अन्ततः जसपा समेत एकठाउँमा रहने सम्भावना क्षीण बन्दै गयो । पार्टी अध्यक्ष उपेन्द्र यादव र संघीय परिषद्का अध्यक्ष बाबुराम भट्टराई पक्ष प्रधानमन्त्री ओलीसँग कुनैपनि हालतमा सहकार्य गर्ने पक्षमा छैनन् । अध्यक्ष महन्थ ठाकुर र राजेन्द्र महतोहरु भने ओलीकै साथमा रहने योजनामा छन् ।
गण्डकी प्रदेशमा पनि जसपाकै दुईजना सांसद मुख्यमन्त्री पृथ्वीसुब्बा गुरुङको विरुद्दको अविश्वासको प्रस्तावमा सही गरेर बसेका छन । तर पार्टी भित्र संस्थागत निर्णय हुने अवस्था नहुँदा जुन पक्षको प्रभाव बलियो हुन्छ, गण्डकीमा पनि त्यही हुने स्थिति छ । प्रतिनिधिसभामा संसदीय दलको नेता समेत छान्न नसक्नु र प्रदेशमा गुटगत प्रभाव अनुसार निर्णय हुन थाल्नुले जसपाभित्रको अन्तरविरोध गम्भीर मोडमा पुगेको स्पष्ट हुन्छ ।
प्रधानमन्त्री केपी ओलीमाथि अविश्वासको प्रस्ताव दर्ता गर्दै सरकार गिराउने कांग्रेस–माओवादी केन्द्रको तयारीलाई जनता समाजवादी पार्टी (जसपा)को आन्तरिक विभाजन ले धक्का दिएको छ । सदनमा निर्णायक रहेको जसपाको पूर्व संघीय समाजवादी पार्टीभित्र नै विभाजन आएको छ भने त्यसका अध्यक्ष महन्थ ठाकुर प्रधानमन्त्री ओलीको समर्थनमा देखिएका छन् ।
ओलीले नै माग पूरा गरिरहेका कारण अविश्वासको प्रस्तावमा सहमति नहुने ठाकुरले शीर्ष नेताहरुलाई आफ्नो मत राखेका थिए । यसअघि ओलीले आयोजना गरेको सर्वदलीय बैठकमा उपेन्द्र यादव, डा. बाबुराम भट्टराई गएनन् तर ठाकुर र लक्ष्मणलाल कर्ण सहभागी भएर सरकारलाई सहयोग गर्ने संकेत गरेका थिए ।
मंगलबारको बैठकमा पनि ठाकुरले सरकारलाई समर्थन गर्ने संकेत गरेपछि यादव भट्टराई निकै अप्ठ्यरोमा परेका छन् । उनीहरु पनि पूर्ववत पार्टी निर्माण गरेर जाने पक्षमा उभिएको स्रोतको दावी छ । पूर्व राजपाबाट भने ओलीको विपक्षमा महेन्द्र राय यादव मात्र उभिएका छन् । २३ जना भने ओलीका पक्षमा खुल्ने लगभग तयार भएका छन् । राजेन्द्र महतोदेखि अन्य सबै सरकारलाई समर्थन दिने या चुनावमा जाने पक्षमा छन् ।
ओली सरकारलाई समर्थन दिन नहुनेमा यादव, भट्टराई, मोहम्मद इस्तियाक राई, राजेन्द्र श्रेष्ठ, रेणु यादव र सूर्यनारायण यादव रहेको स्रोतले जनाएको छ । प्रदिप यादव र उमाशंकर अरगरियालगायत सरकारका पक्षमा छन् । अनिल झा, राजकिशोर यादव, अमृतादेवी अग्रहरी, अरगरिया, एकवाल मियाँ, कलुदेवी विश्वकर्मा, चन्दा चौधरी, चन्द्रकान्त चौधरी, दुलारीदेवी खत्वेनी, नरमाया ढकाल, निर्जला राउतलगायत ठाकुर पक्षमा उभिएका छन् ।
प्रदिप यादव, प्रमोद साह, बिमलप्रसाद श्रीवास्तव, महन्थ ठाकुर, राजकिशोर यादव, रानी मण्डल, रामबाबुकुमार यादव, रामशहाय यादव, रुही नाज, रेनुका गुरुङ, शरतसिंह भण्डारी र सुरेन्द्र यादव पनि ओली सरकारलाई समर्थन गर्ने तयारीमा छन ।
उपेन्द्रको समूहले ओली सरकारलाई समर्थन गर्न नहुने र अविश्वास प्रस्तावका पक्षमा उभिने निर्णय गर्न कार्यकारिणी समितिको बैठक माग गरेका थिए । तर, नेता राजेन्द्र महतोले अहिले कोरोना कहरका बेला बोलाउन नहुने बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
बैशाख १०, २०८१ सोमबार
रुद्रकली : कतारी अमिरलाई उपहार दिइने हात्ती
बैशाख १०, २०८१ सोमबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
टुलुज फेस्टिभलमा उत्कृष्ट फिल्म बन्यो ‘१२ फेल’
बैशाख ११, २०८१ मंगलबार
राज्य कोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
दाङमा चैते धानप्रति किसानको आकर्षण बढ्दो
बैशाख ११, २०८१ मंगलबार
औषधिमा प्रयोग हुने केमिकल बोकेको ट्रकमा आगलागी
बैशाख ११, २०८१ मंगलबार