निषेधाज्ञामा सुनको कारोबार नहुने, मूल्य भने ताेकिने

१५ बैशाख, काठमाडौं । कोरोना भाइरस संक्रमणको जोखिम नियन्त्रण गर्न सरकारले लागु गरेको निषेधाज्ञा अवधिभर सुनको कारोबार नहुने भएको छ । नेपाल सुनचाँदी व्यवसायी महासंघले निषेधाज्ञा अवधिभर बैंकमार्फत हुने सुनको आयातलाई रोक्ने निर्णय गरेको हो।

निषेधाज्ञाका कारण देशका प्रमुख शहरहरुमा सुनको कारोबार नहुने भएकाले आयात रोक्ने निर्णय गरिएको महासंघले जनाएको छ । अहिले हरेक दिन बैंकमार्फत २० किलो कच्चा सुन आयात भइरहेको छ ।

निषेधाज्ञा अवधिभर महासंघको कार्यालयसहित निषेधाज्ञा घोषणा भएका क्षेत्रमा सुन चाँदीको कारोबार रोक्ने निर्णय पनि महासंघले गरेको छ । निषेधाज्ञा अवधिभर सुनको बजार कारोबार मूल्य भने तोक्ने कार्य भने निरन्तर रहने महासंघले जनाएको छ ।