कर्णाली प्रदेश अस्पतालमा थप २ संक्रमितको मृत्यु

१६ बैशाख, सुर्खेत । काेराेना भाइरसकाे  संक्रमणबाट  कर्णाली प्रदेशमा  थप दुईजनाको मृत्यु भएको छ । सुर्खेत र सल्यानका एक र एकजना पुरुषको कोरोना संक्रमणबाट मृत्यु भएको हाे ।

कालिकोटको नरहरिनाथ गाँउपालिका–९ का ७३ वर्षीय पुरुषको सुर्खेतस्थित कर्णाली प्रदेश अस्पतालमा उपचारको क्रममा बिहीबार बिहान मृत्यु भएको छ । यस्तै, सल्यानको सिद्ध कुमाख गाउँपालिका–२ का ४२ वर्षीय पुरुषको उपचारको क्रममै मृत्यु भएको छ ।

केही दिनअघि सल्यान अस्पतालमा कोरोना पोजेटिभ देखिएपछि उनी होम आइसोलेसनमा बस्दै आएका छन् । श्वासप्रश्वासमा समस्या भएपछि बुधबार बेलुका सवा ८ बजे उनलाई अस्पतालमा ल्याइएको र अक्सिजन दिँदादिँदै मृत्यु भएको उछ । योसँगै कर्णालीमा कोरोना संक्रमणबाट मृत्यु हुनेको संख्या ४० पुगेको छ ।