गायब सांसद शाहीको विज्ञप्ति

१६ बैशाख, पोखरा । हिजो एकाएक वेपत्ता भएका राष्ट्रिय जनमोर्चा नेपालका गण्डकी प्रदेशसभा सदस्य खिमविक्रम शाहीले आज प्रेस विज्ञप्ति निकाल्दै आफू पार्टी निर्णयप्रति प्रतिवद्ध रहेको प्रष्ट पारेका छन् । गण्डकी प्रदेश सरकारविरुद्ध हिजै मतदानको कार्यक्रम रहेकोमा सांसद् शाही बिना जानकारी गायब भएपछि प्रकृया नै अवरुद्ध भएको छ ।

शाहीले जारी गरेको विज्ञप्तिमा भनिएको छ– अविश्वास प्रस्तावमा मतदान गर्नका लागि सदनमा जाने तयारी गरिरहँदा म एक्कासी बेहोस भएछु , मेरा बारेमा उठेका सबै प्रश्नको उचित जवाफ दिने छु ।

बेहोस भएपछि आफूलाई भाइले चरक अस्पताल पुु¥याएको प्रष्ट पार्दै उनले अहिले विस्तारै सुधार भइरहेकाले पार्टी निर्णयको पालना गर्ने प्रतिवद्धता जनाएका छन् ।सांसद् शाही बेपत्ता भएको प्रकरणबारे छानबीन गर्न पार्टीले महासचिब मनोज भट्टको संयोजकत्वमा छानबीन समिति गठन गरिसकेको छ ।