ओली र देउवाको साँठगाँठः पौडेल

१६ बैशाख, काठमाडौं । नेपाली राजनीतिमा बढ्दो विकृत्ति र विचलनप्रति कटाक्ष गर्दै कांग्रेस वरिष्ठ नेता रामचन्द्र पौडेलले भनेका छन्–विचित्रको अवस्था छ, पार्टी सभापति नै एमालेको पक्षमा । नेपाली कांग्रेसले प्रधानमन्त्री केपी ओलीलाई हटाएर आफ्नो नेतृत्वमा नयाँ सरकार बनाउने निर्णय गरेको छ, तर सभापति भने आलटाल गर्दैछन् । के हो यो ? पार्टी निर्णय गरेपछि किन आलटाल – उनको प्रश्न छ ।

न्यूज एजेन्सी नेपालसँगको कुराकानीमा वरिष्ठ नेता पौडेलले ओलीलाई हटाउन सभापति शेरबहादुर देउवाले तदारुकता नदेखाएकोमा खिन्नता प्रकट गरेका छन् । फागुन ११ गते सर्वाेच्चले प्रतिनिधिसभा पुनस्थापना गरेलगत्तै कांग्रेसले अविश्वास प्रस्ताव दर्ता गरेको भए अहिले परिस्थिति अर्कै भइसक्थ्यो, तर सभापतिले के जोखाना हेरेको हो बुझिएन , नेतृत्व गर्ने कांग्रेसको सेवा गर्ने ओलीको ? यो भएन – नेता पौडेलले खरो गरी भने ।

त्यस्तो थियो भने पार्टीमा ओली हटाउने निर्णय गर्नु हुने थिएन भन्दै पौडेलले वहुमत त देउवाकै थियो नि तर निर्णय त भयो , अब किन कार्यान्वयन नगर्ने? भन्ने प्रश्न उठाए ।अर्काे प्रसंगमा नेता पौडेलले सर्वाेच्च अदालतले प्रधानमन्त्रीको निर्णय बदर गरिदिएपछि नैतिकताका आधारमा राजीनामा गरिसक्नुपथ्र्याे, तर सामान्य नैतिकतासमेत पालना भएन भन्दै अब संविधान र प्रजातन्त्रको रक्षाका लागि भएपनि ओलीलाई बिदाबारी गर्नैपर्ने धारणा राखे ।

यस्तो नकचरोपन पनि हुन्छ? लाजमर्दाे अवस्थामा पनि कुर्सीमा टाँस्सिने प्रवृत्ति गलत हो – उनले भने । ओलीले नै गण्डकी प्रदेशमा समेत तमासा गरेको उनको आरोप थियाृे । यस प्रसंगमा ओलीले भने–सरकार जोगाउन त्यो हदसम्मको घृणित काम गरिएको छ । साथै, जनमोर्चाले पनि हिजो बेपत्ता बनेका सांसद् खिमविक्रम शाहीलाई तत्कालै हटाउनुपर्ने माग उनले राखेका छन् ।