हवाईयात्रुलाई विमानस्थलसम्म लैजान र ल्याउन ट्याक्सी घरमै आउने

११ बैशाख, काठमाडौं । नागरिक उड्डयन प्राधिकरणले हवाई यात्रुलाई लिन र पुर्‍याउन स्विकृत प्राप्त प्रिपेड पर्यटन ट्याक्सीको व्यवस्था गरिएको जनाएको छ। प्राधिकरणका अनुसार हवाई यात्रुलाई लैजान र ल्याउन ती ट्याक्सीहरु प्रयोग हुनेछन्।

तर, यो सुविधा त्रिभुवन विमानस्थल कार्यालयले अनुमति दिएका हरियो नम्बर प्लेटवाला एयरर्पोट प्रिरपेड ट्याक्सीको हकमा मात्र लागू हुने छ । त्रिभुवन विमानस्थल कार्यालयले आज सूचना जारी गर्दै यस्तो जानकारी गराएको छ ।

सरकारले सम्पूर्ण सार्वजनिक सवारीसाधनमाथी बिहीबारदेखि रोक लगाएको अवस्थामा आन्तरिक तथा बाह्य हवाई उडान भने कायमै राखेको छ। सरकारको उक्त निर्णयलाई लिएर यातायात व्यवसायीले आपत्ती जनाइरहेका छन्।