वैदेशिक रोजगारीबाट फर्केका नौ उत्कृष्ट उद्यमी पुरस्कृत
नेपालबहस संवाददाता
बैशाख १६, २०७८ बिहिबार २३:५:२५
१६ वैशाख,काठमाडौं । सरकारले वैदेशिक रोजगारीबाट फर्केर स्वदेशमा उद्यम गरी रोजगारी सिर्जना गर्ने उद्यमीलाई पुरस्कृत गरेको छ । श्रम, रोजगार तथा सामाजिक सुरक्षा मन्त्रालयले आज भर्चुअल कार्यक्रम गरी नौ उत्कृष्ट उद्यमीलाई पुरस्कृत गरेको हो ।
रु एक लाख राशिको उत्कृष्ट उद्यमी राष्ट्रिय पुरस्कारबाट रुपन्देहीका शिव पराजुली पुरस्कृत भएका छन् । बाह्र वर्ष कतार बसेर स्वदेश फर्कीएका उनले रुपन्देहीमा सूर्या इन्डष्ट्रिज स्थापना गरी ६० भन्दा बढीलाई प्रत्यक्ष रोजगारी दिएका छन् । उनले पित्तलको धारा उत्पादन गर्दै आएका छन् । रु ५० हजार राशिको उद्यमी राष्ट्रिय पुरस्कारबाट सोही जिल्लाका भुदुरप्रसाद थारु, मोरङका सनोजकुमार माझी, कास्कीका भोजराज पुवाली, सुनसरीका धनबहादुर राई र शम्भुराज राई, नवलपरासीका गोविन्दनन्द महतो, चुरामणि चौधरी र ज्ञानेन्द्र सम्बाहाम्फे पुरस्कृत भएका छन् ।
थारुले फर्निचर उद्योग सञ्चालन गरी आठ जनालाई प्रत्यक्ष रोजगारी दिएका छन् । यस्तै माझीले कृषि फर्म सञ्चालन गरी ६ जनालाई रोजगारी दिएका छन् । उनले फर्ममा रु ४० लाख बढी लगानी गरेका छन् । पुवालीले पशुपालन, तरकारी र मौरीपालन, धनबहादुर र शम्भुराजले संयुक्तरुपमा पशुपालन तथा तरकारीखेती, महतोले सिमेन्ट सामग्री उद्योग, चौधरीले माछापालन व्यवसाय र सम्बाहाम्फेले कृषि व्यवसाय गरेका छन् । पुरस्कार रकम सम्बन्धितको बैंक खातामा हस्तान्तरण गरिने मन्त्रालयले जनाएको छ ।
कार्यक्रममा श्रम, रोजगार तथा सामाजिक सुरक्षामन्त्री गौरीशङ्कर चौधरीले सरकारले बाध्यकारी वैदेशिक रोजगारी अन्त्य गर्ने लक्ष्य लिएको उल्लेख गर्दै स्वदेशमै रोजगारी सिर्जना र स्वरोजगारको वातावरण बनाउन सरकार लागिपरेको बताए । बेरोजगारी समस्या हल गर्न विभिन्न सीपमूलक तालिम सञ्चालन गरिएको बताए । उनले वैदेशिक रोजगारीबाट फर्केर स्वदेशमै उद्यम सञ्चालन गरी रोजगारी सिर्जना गरेको भन्दै पुरस्कृतप्रति आभार व्यक्त गरे ।
मन्त्रालयका सहसचिव सुमन घिमिरेले वैदेशिक रोजगारीबाट फर्केर नेपालमै पेशा व्यवसाय गर्नेलाई प्रोत्साहित गर्न पुरस्कृत गरिएको बताए । वैदेशिक रोजगारीका क्रममा सिकेका सीप र आर्जित पूँजीको प्रयोग गरी स्वदेशमै विभिन्न उद्यम गरेकामध्ये नौ जनालाई पुरस्कृत गरिएको उनको भनाइ छ ।
उत्कृष्ट उद्यमी राष्ट्रिय उद्यमी पुरस्कारबाट पुरस्कृत पराजुलीले आफूले दक्ष कालीगढको समस्या भोग्दै आएको र सरकारबाट कुनै सहयोग नपाएको गुनासो गरे । पुरस्कृत व्यक्तित्व पुवालीले कृषि तथा पशुफर्मको सञ्चालक, आफ्नै देशमा केही गर्नुपर्छ भन्ने सोचबाट आफू स्वदेश फर्किएको बताए । नेपालको समृद्धि कृषि क्षेत्रबाट मात्र सम्भव हुने भन्दै उनले कृषिमा आत्मनिर्भर हुन सरकारले सहयोग गर्नुपर्ने बताए । अर्का पुरस्कृत व्यक्तित्व ज्ञानेन्द्र सम्बाहाम्फेले दैनिक उपभोग्य कृषिजन्य सामग्रीमा परनिर्भर हुनुपरेको यथार्थलाई परिवर्तन गर्न आफू कृषिमा लागिपरेको बताए ।
विदेशमा काम गरी फर्केका उद्यमी राष्ट्रिय सम्मान तथा पुरस्कार व्यवस्थापन कार्यविधि, २०७६ बमोजिम उनीहरुलाई छनोट गरिएको मन्त्रालयले जनाएको छ । पुरस्कारका लागि ८५ वटा आवेदन प्राप्त भएका थिए । कार्यविधिमा भएको विभिन्न सात वटा छनोटका आधारमा पुरस्कृत उद्यमीको छनोट गरिएको मन्त्रालयका सहप्रवक्ता देवेन्द्र कार्कीले जानकारी दिए ।
रोजगारी सिर्जना, पूँजी लगानी, स्थानीय स्रोत र प्रविधिको प्रयोग, उत्पादन निर्यात गरेको अवस्था सामाजिक दायित्व वहन, वातावरणमैत्री प्रयोग तथा प्रदूषण व्यवस्थापन, उद्योग सञ्चालन गरेको भौगोलिक क्षेत्रका आधारमा उनीहरुलाई छनौट गरिएको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसांसद डा. शर्माद्वारा बाल अस्पताललाई २० लाख सहयोग
बैशाख ६, २०८१ बिहिबार
रुसी सेनामा कार्यरत आफन्तद्वारा सिंहदरवारमा प्रदर्शन, ११ जना पक्राउ
बैशाख ६, २०८१ बिहिबार
देशभर आज मौसम सफा रहने
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
शुक्रबार हुने सेमिफाइनलमा नेपालको प्रतिद्वन्दी युएई
बैशाख ५, २०८१ बुधबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
कम्बोडियालाई पराजित गर्दै युएई सेमिफाइनलमा
बैशाख ५, २०८१ बुधबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार
चीनको केन्द्रीय बैंकका पूर्वडेपुटी गभर्नरमाथि घुस लिएको आरोप
बैशाख ६, २०८१ बिहिबार
सहसचिव अधिकारी, शर्मा र खरेललाई सचिवमा बढुवा गर्ने मन्त्रिपरिषदको निर्णय
बैशाख ६, २०८१ बिहिबार
लुम्बिनीमा ११ सदस्यीय मन्त्रिपरिषद, सात जनाले आज लिए शपथ
बैशाख ६, २०८१ बिहिबार
शरतसिंह भण्डारी मन्त्री हुँदा गरेका तीन विवादस्पद निर्णय श्रममन्त्री अर्यालद्वारा खारेज
बैशाख ६, २०८१ बिहिबार
सुदूरपश्चिम प्रदेशको मुख्यमन्त्रीमा दीर्घ सोडारी नियुक्त
बैशाख ६, २०८१ बिहिबार