स्वास्थ्य सुरक्षा मापदण्ड विपरित सरकारी कार्यालयमा भीड

मिना कंडेल

१६ वैशाख, नवलपुर । पूर्वी नवलपरासी काेराेनाभाईरसको दोस्रो भेरियन्टको उच्च जोखिममा रहेको छ । कोरोना भाईरसको संक्रमणबाट कोहि पनि अछुतो रहन सकेनन् ! न कुनै क्षेत्र, न कुनै सम्प्रदाय यसको असर दिन दुई गुणा रात चौगुणा बढ्दै गएको छ । तर पनि स्वास्थ्य सुरक्षा मापदण्ड अपनाएको पाईदैन ।

विशेषगरि सरकारी कार्यलयमा सरकारले अपनाउन भनिएको स्वास्थ्य सुरक्षा मापदण्ड अपनाउन नसक्दा अवस्था जटिल बन्दै जाने निश्चित रहेको छ । हरेक सरकारी कार्यलयमा सेवाग्राहीको भिड देख्न सकिन्छ ।

सरकारले कोरोनाको दोस्रो लहर बढेसँगै २५ जना भन्दा धेरै जम्मा नहुन निर्देशन जारी गरे पनि सरकारी कार्यालयहरुमा नै सरकारको निर्देशन कार्यान्वयन भएको छैन । पुर्वी नवलपरासीको सदरमुकाम कावासोतीमा रहेको मालपोत कार्यालय, नापि कार्यलय, कर कार्यालय आदि जुनसुकै कार्यलयमा पनि स्वास्थ्य सुरक्षा मापदण्ड विनानै सेवाग्राहीहरु भिडभाड गरिरहेका छन् ।

जिल्ला प्रशासन कार्यलय नवलपुरले पनि सभा सम्मेलन, गोष्ठि, कार्यक्रममा २५ जना भन्दा बढि सहभागी हुन नपाउने, भीडभाड नगर्ने, सामाजिक दुरी कायम गर्नै र स्वास्थ्य सुरक्षा मापदण्ड अपनाउने भन्दै सुचना जारी गरेको छ । तर, सरकारी कार्यलयमा हुने भीडलाई के भन्ने ? सरकारी कार्यलयले निर्देशन कार्यान्वयन नगरेको हो वा सेवाग्राही आँफै सेवा लिन जाँदा भीड गरेका छन् । त्यसप्रति सम्बन्धित निकायको ध्यान पुग्न नसकेको देवचुलीका रामु भण्डारी बताउँछन् ।

उनले भने “ न कसैले राम्रोसँग माक्सको प्रयोग गरेका छन् । न त सामाजिक दुरी कायाम नै गरेका छन् । कतिखेर आफ्नो पालो आउला भन्दै ठेलमठेल गरी लाइनमा बसेका छन् ।” एक दुईजनाले स्वास्थ्य सुरक्षा मापदण्ड अपनाउँछु भनेर नहुने रैछ । आफ्नो काम सक्नका लागि स्वयम त्यो भीडमा होमिनुपर्नै बाध्यता छ ।

त्यस्तै कावासोती २ का खेम काफ्लेले पनि गुनासो गरे । आफ्नै कामको लागी कार्यलयमा आएको भएपनि काम त सकिएला तर घर फर्कदा संँगसँगै रोग उपहार पाईने भएको छ । किन यस्तो गरेको होला भनेर कर्मचारीलाई सोध्दा हाम्रो कामको लागि होईन सेवाग्राहीलाई नै सेवा दिएका छाँै भन्ने जवाफ आउँछ ।

पूर्वी नवलपरासीका सरकारी कार्यलयमा समयमा नै ध्यान दिइएन भने एक साता भित्र कोरोना संक्रमणको दरमा बृद्धि भएर यहाँका अस्पतालमा बेड नपाउने अवस्थाको सृजना हुनेमा दुई मत छैन् ।