काेराेनाले आजतकका चर्चित पत्रकार रोहित सर्दानाकाे मृत्यु

१७ बैशाख, एजेन्सी ।  भारतीय टेलिभिजन च्यानल आजतकका चर्चित पत्रकार रोहित सर्दानाका कोरोना भाइरसको संक्रमणका कारण मृत्यु भएको छ। नयाँ दिल्लीस्थित मेट्रो अस्पतालमा ४१ वर्षीय सर्दानाको शुक्रबा मृत्यु भएको हो । उनलाई ६ दिन अघि मात्र कोरोना संक्रमण पुष्टी भएको थियो।

सर्दानाले जी न्युजमा पनि काम गरेका थिए । उनी उक्त च्यानल छाडेर सन् २०१७ मा आजतकमा आबद्ध भएका थिए । उनले ‘दंगल’, ‘दस तक’ लगायत कार्यक्रमहरु चलाउँदै आएका थिए ।

सर्दानालाई कोरोना संक्रमण रहेपनि मृत्यु भने हृदयघातका कारण भएको भारतीय सन्चालन माध्यमहरुले उल्लेख गरेका छन्।