नबिल बैंकले युनाइटेड फाइनान्सलाई प्राप्ती गर्ने सम्झौता, युनाइटेडको १०० कित्ता शेयरबराबर नबिलको ३५ कित्ता हुने

१७ बैशाख, काठमाडौं । नबिल बैंकले युनाइटेड फाइनान्स एक्वायर गर्ने भएको छ। बैंकले शुक्रबार प्राप्तिका लागि युनाइटेडसँग एमओयूमा हस्ताक्षर गरेको छ। नबिलका मर्जर संयोजक उदयकृष्ण उपाध्याय र युनाइटेडका मर्जर संयोजक मनिष खेमकाले सम्झौतापत्रमा हस्ताक्षर गरे।

नबिलले युनाइटेडलाई सय कित्ता शेयरबराबर नबिलको ३५ कित्ता कायम हुनेछ ।

प्राप्तीपछि युनाइटेड फाइनान्सको सम्पूर्ण कारोबार नबिलकै नाममा हुने र संचालक समिति पनि नबिल बैंककै रहने गरि सम्झौता भएको छ । उक्त सम्झौता पश्चात प्राप्तीका लागि नेपाल राष्ट्र बैंकमा स्वीकृतीका लागि प्रकृया अगाडि बढाइने छ । स्वीकृती पाएमा यथासिघ्र संयुक्त कारोबार नबिल बैंकले गर्नेछ ।