स्पष्ट बहुमत नभएसम्म कांग्रेसकाे सरकार बन्दैन : देउवा

१७ वैशाख, काठमाडौं । नेपाली कांग्रेसका सभापति शेरबहादुर देउवाले वहुमत सांसद्को समर्थन नपाएसम्म नयाँ सरकार निर्माण प्रकृयामा सहभागी नहुने प्रष्ट पारेका छन् । आज आफ्नै निवासमा आयोजित पत्रकार सम्मेलनमा सभापति देउवले भनेः– वहुमत जुटेपछि मात्रै सरकार बदलिने प्रकृया अगाडि बढ्छ । यसका लागि आफूहरुले सबै राजनीतिक दलसँग घनिभूत छलफलमा रहेको पनि सभापति देउवाले प्रष्ट पारे ।

जनता समाजवादी पार्टीले समर्थन दिने वित्तिकै हामी अविश्वास प्रस्ताव दर्ता गर्छौं – देउवाले भने । नत्र हावादारी जस्तो भएर नचाहिने काममा समय बर्बाद गरिने छैन ।

एक अर्काे प्रसंगमा सभापति देउवाले अहिले देशमा लकडाउन गर्नुपर्ने अवस्था केपी ओली सरकारको अकर्मण्ताले उब्जिएको आरोप लगाए ।

यतिका समय के हेरेर बस्यो सरकार ? उनले प्रश्न गरे–मान्छे उपचार नपाएर छटपटाइरहेको छ, पर्याप्त बेड छैन, परीक्षण छैन, भारतबाट आएकाहरु खुलेआम गाउँ पसेका छन्, उनीहरुबाटै संक्रमण व्यापक हुने अवस्था छ । जनताप्रतिको जिम्मेवारी वहन गर्न नसक्ने सरकारले शासन गर्ने हक राख्दैनः– देउवाले भने ।