गोरखामा एकै गाउँका ४३ जनामा संक्रमण

१७ बैशाख, गोरखा । गोरखामा पछिल्लो २४ घण्टामा एकै गाउँका ३३ सहित ४३ जनामा कोरोना पुष्टि भएको छ । जिल्लामा शुक्रबार थप ४३ जनामा कोरोना संक्रमण पुष्टि भएको हो ।

भीमसेन थापा गाउँपालिका–७ क्यामुन्टारमा मात्रै ३३ जनामा संक्रमण पुष्टि भएको बताइएको छ । केही दिनअघि २९ जनामा संक्रमण पुष्टि भएपछि सो गाउँबाट १ सय ७३ जनाको स्वाब संकलन गरेर परीक्षणका लागि पोखरा पठाइएको थियो । उनीहरुमध्य ३३ जनामा संक्रमण पुष्टि भएको हो ।

अन्य संक्रमित गोरखा नगरपालिकाका र आरुघाट गाउँपालिकाका रहेका छन् । गोरखा नगरपालिका–८ का ९ जना र आरुघाट गाउँपालिका–७ का एक जनामा संक्रमण देखिएको छ ।