अब विदेशबाट ओर्लिनेबित्तिकै नेपाली होम क्वारेन्टाइनमा जान पाउने

१७ बैशाख, काठमाडौं । विदेशबाट आउने नेपाली सोझै होम क्वारेन्टाइनमा बस्न पाउने भएका छन् ।  नागरिक उड्डयन प्राधिकरणका अनुसार विदेशबाट आउने नेपालीहरु होटल वा होम क्वारेन्टाइनमा कम्तिमा १० दिन बस्नुपर्ने भएकाे हाे ।

प्राधिकरणका अनुसार क्वारेन्टाइनमा बसे र नबसेको निगरानी स्थानीय निकायले गर्नेछन्। यसैगरि नेपाल आउने विदेशीले १० दिन होटल क्वारेन्टाइनका लागि ‘प्रि बुक’ गरेको हुनुपर्ने पनि प्राधिकरणले जनाएको छ। यस्तै प्रत्येक उडानपछि जहाज तथा ब्यागेजलाई निसंक्रमित गर्नुपर्ने छ । चेक–इन बोर्डिङ, ब्यागेज क्लेम, प्रतीक्षालायमा हुने भीडभाडमा रोक लगाइएको छ ।

निषेधाज्ञाका बेला जहाज चढ्न र ओर्लिनेबित्तिकै गन्तव्यमा पुग्न भने सजिलो हुने छैन । आन्तरिक उडानतर्फ जहाजमा पहिले जस्तो फेस सिल्डसहित मास्क, सेनिटाइजर अनिवार्य गरिएको छ । प्रत्येक उडानपछि जहाज तथा ब्यागेजलाई निसंक्रमित गर्नुपर्ने छ । चेक–इन बोर्डिङ, ब्यागेज क्लेम, प्रतीक्षालायमा हुने भीडभाडमा रोक लगाइएको छ ।

विदेशबाट फर्किने नेपालीले पनि ७२ घण्टाभित्रको पीसीआर नेगेटिभ भएको प्रमाण पेस पर्नुपर्नेछ । विमानस्थलबाट सोझै घर जान चाहानेले स्थानीय सरकारको निगरानीमा १० दिन अनिवार्य होम क्वारेन्टाइन बस्नुपर्नेछ । होम क्वारेन्टाइनमा बस्न नसिकने अवस्था भए काठमाडौंमा १० दिन होटल क्वारेन्टाइन बस्नुपर्नेछ ।