भरतपुर अस्पतालमा उपचाररत संक्रमितको मृत्यु

१८ वैशाख,चितवन । भरतपुर अस्पतालमा उपचाररत बर्दाघाटका कोरोना संक्रमित एक जनाको मृत्यु भएको छ । मृत्यु हुनेमा बर्दाघाट नगरपालिका–७ का ४१ वर्षीय पुरुष रहेका छन् ।

अस्पतालका अनुसार फोक्सोसम्बन्धी समस्या भई वैशाख १६ गते अस्पतालमा भर्ना भएका उनको आजै कोरोना संक्रमण पुष्टि भएको थियो । कोरोना संक्रमण पुष्टि भई कोभिड सघन उपचार कक्षमा उपचाररत उनको आज दिउँसो १ बजे मृत्यु भएको हो ।