कोभिड-१९ : आज थप १९ जना संक्रमितको मृत्यु

१८ बैशाख, काठमाडौं । नेपालमा पछिल्लो २४ घण्टामा थप १९ जना कोरोना संक्रमितको मृत्यु भएको छ। योसँगै कोरोनाबाट मृत्यु हुनेको संख्या ३२९८ पुगेको छ।

स्वास्थ्य मन्त्रालयका अनुसार नेपालमा शनिबार थप पाँच हजार सात सय ६३ जनामा कोरोना पुष्टि भएको छ । योसँगै नेपालमा कोरोना संक्रमितको संख्या तीन लाख २८ हजार ८९३ पुगेको छ । मन्त्रालयका अनुसार थप १२ सय ८७ जना संक्रमणमुक्त भएका छन् । नेपालमा हालसम्म दुई लाख ८२ हजार ३८२ जना संक्रमणमुक्त भएका छन् ।

नेपालमा हाल ४३ हजार २१३ संक्रिय संक्रमित आइशोलेशनमा र ६७ जना क्वारेन्टाइनमा छन् । हालसम्म नेपालमा २४ लाख ८८ हजार ३५९ वटा पीसीआर परिक्षण गरिएको मन्त्रालयले जानकारी दिएको छ ।