नेपाल बंगलादेश बैंकको शेयरमा लाग्यो क्रेताको भिड, किन बढ्यो आकर्षण ?

१९ बैंशाख, काठमाडौं । साताको पहिलो कारोबार दिन आइतबार नेपाल बंगलादेश बैंकको शेयरमा क्रेताको भिड लागेको छ । यस दिन बैंकको शेयर खरिद गर्न क्रेताको भिड लागेको हो ।

बजार खुलेको पहिलो १ घण्टामा बैंकको साढे ९ लाख शेयर खरिद माग परेको छ । यस अवधिमा नेप्से ० दशमलव ८४ प्रतिशतले बढेको छ । त्यस्तै नेप्से परिसूचक १२.८५ अंकले बढेर २६ सय ३२ विन्दूमा पुगेको छ ।

यस दिन शेयरबजारमा सबैभन्दा बढि नेपाल बंगलादेश बैंकको शेयर खरिद माग उच्च रहेको छ । यस दिन बैंकको शेयर खरिद माग ९ लाख ४६ हजार रहेको छ ।

बैंकको शेयरमा उच्च शेयर खरिद माग आउँदा ५९ हजार कित्ताको बिक्री अर्डर रहेको छ । हालै बैंकले तेस्रो त्रैमासको वित्तीय विवरण प्रकासित गरेको हो ।

तेस्रो त्रैमासम्मा बैंकले १ अर्ब ६३ करोड ८४ लाख रुपैयाँ मुनाफा आर्जन गर्न बैंक सफल भएको छ । बैंकले गत आर्थिक वर्षको चैत मसान्तमा १ अर्ब ५० लाख रुपैयाँ मुनाफा गरेको थियो ।

जो गत वर्षको तुलनामा ६३.०२ प्रतिशत बढि मुनाफा हो । बैंकले प्रकासन गरेको वित्तीय विवरण बलियो देखिएपछि बैंकको शेयर खरिद गर्ने भिड लागेको हो ।

यस दिन बैंकको शेयरमा उच्च खरिद चाप आउदा शेयरमूल्य ३८४ रुपैयाँ रहेको छ ।