अख्तियारलाई कारण देखाउन आदेश जारी

१९ बैशाख, काठमाडौं । सर्वाेच्च अदालतले अख्तियार दुरुपयोग अनुसन्धान आयोगलाई पूर्व प्रमुख आयुक्त दीप बस्न्यातलाई थुनामा राख्नुको कारण देखाउन आज आदेश जारी गरेको छ । न्यायधीश मिरा खड्काको एकल इजलाशले यस्तो आदेश जारी गरेको हो ।

ललिता निवास जग्गा प्रकरणमा तत्कालिन भौतिक योजना मन्त्रालयका सचिव बस्न्यातले गलत गरेको आरोपसहित अख्तियारले विशेष अदालतमा मुद्धा दायर गरेको थियो ।

उक्त मुद्धामा विशेष अदालतले गएको मंसिरमा भएको थुनछेक आदेशमा बस्न्यातलाई थुनामै पठाउने आदेश गरेको थियो । सोही बमोजिम बस्न्यात डिल्ली बजारस्थित कारागारमा बन्दी जीवन विताइरहेका थिए ।

तर हालै उनको मुटुको समस्या फेरि बल्झिएको र कोरोना संक्रमण समेत भएकाले घरमै बसेर अदालती कारबाही गर्न पाउँ भन्दै सर्वाच्च अदालतमा बन्दी प्रत्यक्षीकरणको रिट दायर गरिएको थियो ।