उपत्यकामा एकैदिन ३५९५ जना संक्रमित

१९ बैशाख, काठमाडौं । काठमाडौं उपत्यकामा एकैदिन पछिल्लो २४ घण्टामा तीन हजार ५९५ जनामा कोरोना संक्रमणको पुष्टि भएको छ ।स्वास्थ्य मन्त्रालयका अनुसार काठमाडौं जिल्लामा दुई हजार ७४४, ललितपुरमा ५५० र भक्तपुरमा ३०१ जनामा कोरोना भाइरस संक्रमण पुष्टि भएको हो ।

पछिल्लो २४ घण्टामा देशभर सात हजार २११ जनामा कोरोना भाइरस संक्रमण पुष्टि भएको छ भने,  पछिल्लो २४ घण्टामा कोरोनाबाट थप २७ जनाको मृत्यु भएको छ। यससँगै कोरोनाबाट ज्यान गुमाउनेको संख्या ३ हजार ३ सय २५ पुगेको छ।