लुम्बिनी प्रदेशकाे मुख्यमन्त्रीमा माओवादी केन्द्रका नेता केसीको दावी [ हस्ताक्षरसहित ]

१९ बैशाख, बुटवल । नेकपा माओवादी केन्द्र संसदीय दलका नेता कुलप्रसाद केसीले नयाँ सरकार गठनका लागि प्रदेश प्रमुखसमक्ष ४२ सांसदको हस्ताक्षरसहित दावी पेश गरेका छन् ।

नेकपा माओवादी केन्द्रसहित नेपाली कांग्रेस, जसपा र राष्ट्रिय जनमोर्चाको गठबन्धनबाट केसीले नयाँ सरकार गठनका लागि प्रदेश प्रमुख धर्मनाथ यादवसमक्ष दावी पेश गरेका हुन् ।

नेकपा एमालेले बहुमत गुमाएकोले आफूहरुसँग बहुमत रहेको दावी केसीको छ । हस्ताक्षर गरेका मध्ये तीन सांसदले भने राजीनामा दिएका छन् । एमालेका सांसद दीर्घनारायण पाण्डेले आफूले हस्ताक्षर नगरेको बताएका छन् ।

प्रदेश प्रमुखले मुख्यमन्त्रीमा नेकपा एमालेका शंकर पोखरेललाई नियुक्त गरिसकेका छन् । माओवादीसहितको चार दलीय गठबन्धनले भने बहमुत नभएको पार्टीबाट सरकार गठन हुन नसक्ने भन्दै उक्त नियुक्त बदर गर्न माग गरेको छ।