आगामी केही दिन मौसम बदली हुँदैछ, सजग बनौंँ !

१९ बैशाख, काठमाडौं । जल तथा मौसम पूर्वानुमान महाशाखाले आगामी केही दिन मौसम बदली हुने जनाएको छ । आइतबार साँझ ६ बजे विशेष मौसम बुलेटिन जारी महाशाखाले आगामी केही दिन देशका केही भू भागमा मौसम बदली भई चट्याङ, हावाहुरी र असिना पानी पर्न सक्ने भन्दै जल तथा मौसम विज्ञान विभागले सतर्कता अपनाउन आग्रह गरेको हो ।

बुलेटिनमा विभागले अबका ४/५ दिन देशभर पश्चिमी न्यून चापीय प्रणाली तथा बंगालको खाडीबाट प्रवाह हुने जल वाष्पयुक्त हावाको प्रभाव रहने जनाएको छ ।

देशका धेरै स्थानमा सामान्यदेखि पूर्ण बदली रही हल्कादेखि मध्यम वर्षा र १–२ स्थानमा भारी वर्षाको समेत सम्भावना रहेको विभागले जनाएको छ। यो सिजनमा मेघ गर्जन, चट्याङ, हावाहुरी र असिना पानीको समेत सम्भावना रहेकोले आवश्यक सतर्कता अपनाउन विभागले अनुरोध गरेको छ।

आगामी केही (४-५) दिन देशभर पश्चिमी न्यून चापीय प्रणाली, दक्षिण भुभाग नजिक बिकशित भएको र हुने सम्भावना रहेको न्युन चापीय क्षेत्र तथा बंगालको खाडीबाट प्रवाह हुने जल वाष्प युक्त हावाको प्रभाव रहने देखिएको छ।

सो प्रणालीका कारण देशका धेरै स्थानहरूमा सामान्य देखी पूर्ण बदली रहि हल्का देखि मध्यम वर्षा र १/२ स्थानहरूमा भारी वर्षाको समेत सम्भावना रहेको छ । यो सिजनमा मेघगर्जन / चट्याङ /हावाहुरी र असिना-पानीको समेत सम्भावना रहेकोले आवश्यक सतर्कता अपनाउनु हुन अनुरोध छ।